Yilinga 2:20 - MUKANDA USANDU WA ZAMBI 1975

²⁰ tangwa kumulikalumuka milima, ni kakweji kumakalumuka manyinga, shimbu tangwa lia Mwene kanda liza, tangwa lize linene ni liakusolola uhenya.

Mukanda Wa Zambi 1970

²⁰ Tangwa mulikalaa, kakweji makachila ngwe manyinga, mba Tangwa lia Mwene Yesu mulikeza, tangwa linene ni lia uhenya.

Yilinga 2:20 Iomraidhean Croise

Izaya 13:10

Mumu matongonoshi a mwilu ni mbunga jo kechi katemuka; tangwa mulikalá ha kuvumbuka ni kakweji kechi katwa mweji.

Izaya 13:15

Mweswe makamuwana mamutuwa ndusu, mweswe makamukwata mafwa ni katana.

Izaya 13:9

Tangwa lia Yehova kulineza, lia uswi, ni ufwatulo, ni utenu usasu, akapwise hashi ngwe puya nikushiha akwa shili jaho.

Izaya 24:23

Henaho kakweji makalifwita, ni tangwa mulikevwa sonyi; mumu Yehova-wa-Tujita makayula ha mulundu wa Zaione ni mu Yerusaleme, ni kumeso ja makulwana jenyi makasolola uhenya wenyi.

Izaya 34:8

Mumu Yehova kali ni tangwa lia kukala milonga, mwaka wa kufwetesa ha chikuma cha Zaione.

Jeremia 4:23

Natalile hashi, kumanyi hapwa hamokomoko ha hululu; natalile kwilu kumanyi kukushi pangu.

Joele 2:1

Humunenu chitavwi mu Zaione. Tambikenu mutambi mu mulundu wami usandu. Akwa chifuchi eswe achikime, mumu tangwa lia Yehova kulineza, hihapwa hakamwihi.

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Joele 3:14

Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Amose 8:9

Mwene Yehova kanambe ngwenyi, Ha tangwa lize mungukanjisa tangwa ha tangwa ha muchima. Mungulayisa hashi ha ola ya mwalwa.

Malaki 4:5

Mungunutuma profeta Eliya shimbu tangwa lize linene lia mwongo lia Yehova kanda Uchiheta.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Mateu 27:45

Achi, chize ku ola yamuchisambano kwapwile milima hashi heswe ndo ku ola yamuchilivwa.

Marku 13:24

Alioze ha matangwa aze, kulutwe lia luyinda yoze, tangwa kumulikalá, ni kakweji kechi katwa mieji.

Luka 21:25

Mba kumukukapwa yilayi mu tangwa ni kakweji ni matongonoshi; ni hashi kupinda cha mavungu ni kulifwita, ha lundunjila wa kalunga-lwiji, ni mikanya yenyi;

Yilinga 2:19

mungukalweza yipekesa mwilu, ni yilayi hashi; manyinga, ni kahia, ni chishichishi cha mwishi:

Yilinga 2:21

Mba kumuchikapwa, mweswawo matambika ha jina lia Mwene kumakamulamwina.

1 Korintu 5:5

nukakunjike umwe ngwe yono kuli Satana akenyeke musunya, hanga akalamwine Spiritu ha tangwa lia Mwene Yesu.

1 Tesalonika 5:2

Mumu yenwene nunanyingika pundu, tangwa lia Mwene chocho muliza ngwe mwiji ha ufuku.

2 Petulu 3:10

Alioze tangwa lia Mwene kumulikeza ngwe mwiji ha ufuku: muze malilu makahwa ni lundunjila, ni yuma ya mwilu muyikasangunuka ni chivukuminya cha kahia, ni hashi ni yitanga yize yiliho muyikawema wupu.

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.

Usolwelo 16:8

Mungelo wamuchiwana wamwangine musenge wenyi ha tangwa; alihelecho kupapa atu ni kahia.

Usolwelo 6:12

Namwene muze apakwile Chijikilo chamuchisambano, kwapwile minyiko yinene; ni tangwa lialumukine lilá ngwe chikeleyi chilá, ni kakweji mweswe walumukine ngwe manyinga.