Yilinga 2:14 - MUKANDA USANDU WA ZAMBI 1975

¹⁴ Alioze Petulu, nikukatuka hamwe ni kumi ni kashi wakololokele, nikwamba kuli ayo ngwenyi, Yenu A-Yunda, ni yenu eswe nwakutwama mu Yerusaleme, nyingikenu chino, panjikenu ku maliji jami.

Mukanda Wa Zambi 1970

¹⁴ Mba Petulu yakatuka hamwe ni tumbaji akwo kumi ni kashi, yakololoka ngwenyi: “Akwetu Ayuda, ni yenu eswe waze nwatwama mu Yerusaleme, achivwenu, ngubanjikenu.

Yilinga 2:14 Iomraidhean Croise

Yishima 8:32

Mba haliapwila, ana jami a malunga, ngwivwenu, mumu kawaha waze akuya mu majila jami.

Izaya 40:9

Ena Zaione kanganda ka sango lipema, kanduka ku mulundu usuku; ena Yerusaleme kanganda ka sango lipema, kololoka ni tachi, kololoka, kanda wivwa woma; amba ku yihunda ya Yunda ngwe Talenu Zambi yenu!

Izaya 51:1

Panjikenu kuli yami, yenu nwakukaula ululi, yenu nwakufupa Yehova. Talenu ku luliwe kuze anupulile; talenu ku wina kuze anufulile.

Izaya 51:4

Enu atu jami, panjikenu kuli yami, munyachi wami, nehenu matwi jenu. Mumu shimbi yimwe muyikatuka kuli yami, ni ululi wami muupwa pangu lia mavungu.

Izaya 51:7

Panjikenu kuli yami, yenu nwanyingika ululi, enu atu nuli ni shimbi jami mu mbunge. Kanda nuvwila woma luchoko wa atu, kutukana cho kanda chinushima.

Izaya 52:8

Panjika! Tulayi twe kanalikwiza, kanembi hamuwika mumu ha uwahililo. Mumu kanamono meso ni meso kwiza cha Yehova ku Zaione.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Hosea 8:1

Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

Mateu 2:1

Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Yilinga 1:26

Mba atele chela hali ayo; ni chela chaholokelele hali Mataya; o amwalwile hamwe ni apostolo kumi ni kashi.

Yilinga 13:16

Mba Paulu wakatukile, iye nikulahula ni kwoko lienyi, wambile ngwenyi, A-Izalele, ni yenu nwakwivwa woma wa Zambi, ivwenu:

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Yilinga 21:28

akololokele ngwo, A-Izalele, tukwasenu: mwe mutu yono kakulongesa atu eswe kweswe kulimika ni e atu, ni je shimbi, ni zuwo lino; chikwo nawa, hananjisa A-Ngresia nawa mu tembele, hanachishi muma muno, musandu.

Yilinga 5:35

Iye wambile kuli ayo ngwenyi, Malunga a Izalele, keyelenu kuli yenwene ha kutwala ku chize nunambe kulinga kuli wano atu;

Yilinga 7:2

Eshetevau wambile ngwenyi, Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane,

Shimbi 27:9

Ni Mose, ni asasendote A-Levi, yahanjika ni atu eswe a Izalele ngwo, Enu A-Izalele holenu, nupanjike. Musono hinwapwa atu a Yehova Zambi yenu.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?