Yilinga 19:9 - MUKANDA USANDU WA ZAMBI 1975

⁹ Alioze muze amwe akalile, kononokene, nikuhanjika chipi ha Jila yino kumeso ja chizavu, wakatukile kuli ayo, wahandunwine tumbaji, nikuhanjika ni atu tangwa ha tangwa mu shikola ya Teranu.

Mukanda Wa Zambi 1970

⁹ Alioze akwo yaakala mbunge, yaalituna kufuliela, yaalelesa ku meso ja atu eswe longeso hakutwala kuli Mwene Yesu. Kashika Paulu yakatuka, yatwala tumbaji hamwe nenyi nikwalongesa tangwa ha tangwa mu shikola ya Tiranu.

Yilinga 19:9 Iomraidhean Croise

1 MIANANGANA 17:14

Hindu kasolo kwivwa. Akwachile pami ngwe tulamba two alingile, waze kafulielele Yehova Zambi yo.

2 Sango Ja Mianangana 30:8

Kanda nukwata pami haliapwila ngwe tulamba twenu; liechenu kuli Yehova. Njilenu mu zuwo lienyi lisandu lize hasela ku usandu wa mutolo, nukalingile Yehova Zambi yenu, hanga utenu wenyi usasu unukatuke.

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Miaso (Masamu) 95:8

kanda nukalisa mbunge jenu ngwe ku Meripa ha tangwa lize lia Masa mu puya,

Yishima 8:34

Kawaha yoze mangwivwa, nikulayila tangwa ha tangwa ku yikolo yami, nikutwaminyina ku yikuli ya mapito jami.

Izaya 8:14

Iye kumakapwa chiswamo, ni liwe lia kuhukanyisa, luliwe lwa kutalingisa ku minyachi yeswe yiali ya Izalele. Mapwamuheto ni kambwila kuli akwa Yerusaleme.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 16:4

Chisemuko cha ungulungulu kanda cha utanji muchifupa chilayi: ni chilayi kechi kaahacho, shina chilayi cha profeta Yona, mba waahichikile, wakatukileko.

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Yoano 12:40

Iye hanapupuchisa meso jo, iye hanakalisa mbunge jo; Kuchina mamona ni meso jo, manyingika ni mbunge jo, akalumuke, Ni yami mungwahindwisa.

Yilinga 11:26

muze te hamuwana, wamutwalile ku Andiakia. Mba ha mwaka wa muwundu akungulukile hamwe ni akwa chikungulwila, nikulongesa mbunga yinene; ni ku Andiakia hatangu alukile tumbaji ngwo, Akwa Kristu.

Yilinga 14:4

Alioze chizavu cha mu limbo ahandunukine; mba amwe apwile hamwe ni A-Yunda, ni akwo apwile hamwe ni apostolo.

Yilinga 17:4

Mba amwe akunukine, alifutwile hamuwika ni Paulu ni Saila, a kuli A-Ngresia akwa kuwayila chizavu chinene, ni anji a kuli mapwo akwa lutwe.

Yilinga 19:23

Kwapwile ha mwaka uze wene Chizungozungo chinene ha kutwala ku Jila yino.

Yilinga 19:30

Muze Paulu azangile kunjila kuli atu, tumbaji kamutayijileko.

Yilinga 20:31

Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 22:4

Nahungumionene Jila yino ndo ku kufwa, nikwakasa, nikukunjika ku mazuwo ja ususu, ni malunga ni mapwo.

Yilinga 24:21

shina ha liji lino limuwika nakololokele nikumana hakachi ko ngwami, Kanangusopesa kuli yenu tangwa lino ha kutwala ku Uhindukilo wa afu.

Yilinga 28:22

Alioze tunachinyongo chipema kwivwa kuli yena chize unashinginyeka; mumu ha mbunga yino tunanyingika kweswe kakuhanjika yuma ya kulimika no.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Yilinga 9:2

wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme.

A-ROMA 11:7

Mba kuchi? Chize A-Izalele akufupa, kachizukileko; alioze waze aatongwele hanachizuku, akwo hanakale:

A-ROMA 9:18

Chocho mevwa keke hali yoze mamupala, ni yoze mamupala mamukalisa.

1 Korintu 16:9

Mumu hanangwazulwila pito linene, lia tachi, alioze kwali akwa kulimika anji.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.

2 Timoteu 1:15

Unanyingika chino, ngwami, Waze eswe ali mu Eshia hanakondoloka kuli yami; hakachi ko Fwijelu ni Hemojene.

2 Timoteu 3:5

Kusoloka cha uwayilo kali nacho, alioze kakulikata tachi jawo: kuli wano nawa kondoloka.

2 Timoteu 4:2

ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe.

Hebreu 3:13

Alioze lishinjilenu umwe ni mukwo ni mukwo tangwa ha tangwa, shimbu lieswe analivuluka ngwo, Musono, hanga niumwe wa kuli yenu kechi kakala ku kwonga cha shili.

2 Petulu 2:12

Alioze wano ngwe tushitu yipama, akwa chisemewa, kanasemuka akaakwate akaashihe, kanahanjika chipi ha yuma yize kayinyingikine, kumatoka mu kupola cho ene, kumatambula fweto ya uhenge wo.

2 Petulu 2:2

Ni anji kumakakaula yilinga yo ya ujila; mumu hali ayo makashililika jila ya umwenemwene.

Yuda 1:10

Alioze wano kakutuka yuma yeswayo kayinyingikine: ni chize ananyingika ku chisemewa, ngwe tushitu yipama, mu yino yuma kakulilumbula.