Yilinga 19:31 - MUKANDA USANDU WA ZAMBI 1975

³¹ Mba amwe miata nawa, se apwile tusendo twenyi, atumine kuli iye, nikuliumba kuli iye kanda alisela ku utoji mu lwaza.

Mukanda Wa Zambi 1970

³¹ Amwe akwa kuyula a mu chifuchi cha Asia, masepa jenyi, yaamutumina liji ha kumukanjisa, ngwo: “Kanda unjila mu lwaza.”

Yilinga 19:31 Iomraidhean Croise

Yishima 16:7

Muze ndako ja mutu jakuwahila Yehova, kakupwisa ni sambukila chipwe akwa kole jenyi.

Marku 1:40

Mukwa mbumba yeza kuli iye, nikuliumba kuli iye, nikuliondela hashi, ngwenyi, Nyi mupala, muhasa kungupemesa.

Yilinga 16:6

O apalikile ndusu mu chifuchi cha Fwijia ni Ngalashia, se Spiritu Musandu waakanjishile kanda ambujola lie liji mu Eshia;

Yilinga 19:10

Chino chapwile ha miaka yiali; chocho waze eswe atwamine mu Eshia, evwile liji lia Mwene Yesu, ni A-Yunda ni A-Ngresia.

Yilinga 19:29

Limbo liazalile tò ni Chizungozungo: o alundumukine ni mbunge yimuwika ku lwaza, nikukoka hamwe no, Ngayu ni Aristako, akwa Masendoniya, ngeji-ni-akwo a Paulu.

Yilinga 19:30

Muze Paulu azangile kunjila kuli atu, tumbaji kamutayijileko.

Yilinga 19:32

Atu eka ni eka kashika akololokele yuma yimwe yeka ni yeka, ni kukunguluka chazungulukile, ni anji kanyingikine chikuma chize akungaminyine.

Yilinga 21:12

Muze twevwile yino yuma, ni yetu ni enyembo, twaliumbile kuli iye, kanda akakanduka ku Yerusaleme.