Yilinga 19:26 - MUKANDA USANDU WA ZAMBI 1975

²⁶ Mba nunamono, nunevu ngwe hi ku Efwesu wika ko, alioze ndusu mu Eshia mweswe, chikepe chinasala, yono Paulu hanakununa nikukondolola mbunga yinene ngwenyi, Hi mazambi ko aze akutengewa ku moko ja atu.

Mukanda Wa Zambi 1970

²⁶ Nunamono ni nunevu ngwo, mutu yono, Paulu, hanakununa atu anji. Kakwamba ngwenyi: ‘Mazambi waze akulinga ni moko ja atu, hi mazambi ko.’ Chino kachilingile ko mu Efesu wika, kwasala hakepe ni mu chifuchi cheswe cha Asia nawa.

Yilinga 19:26 Iomraidhean Croise

Jeremia 10:11

Muwamba kuli ayo ngwe, Mazambi aze katangile malilu ni hashi kumakanonga ni hashi ni mushi lia malilu.

Hosea 8:6

Mu Izalele umwe chilangaji wamulingile alioze iye hi Zambi ko. Makafwenyona mwana-ngombe wa Samaria.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Yilinga 17:29

Se kashika tuli ana a Zambi, kuchatutambile kushinginyeka ngwe Uzambi unalifu ni oru, hanji prata, hanji liwe, kaponya wa kwola ni ulangaji ni chishinginyeka cha atu.

Yilinga 18:19

Iye wahetele ku Efwesu, waahichikileko: alioze iye mwene wanjilile mu sunangonga nikuhanjika kuli A-Yunda.

Yilinga 19:1

Shimbu Apolu te achili ku Korindu, Paulu se hanapalika ndusu mu yifuchi yeswe ya ku tunda, wahetele ku Efwesu, wawanyine amwe tumbaji:

Yilinga 19:10

Chino chapwile ha miaka yiali; chocho waze eswe atwamine mu Eshia, evwile liji lia Mwene Yesu, ni A-Yunda ni A-Ngresia.

Yilinga 19:25

wano eswe iye waakungile, hamwe ni akwa kulinga yuma ngwe yino, wambile ngwenyi, Malunga, nunanyingika ku milimo yino tuli ni upite wetu.

1 Korintu 12:2

Nunanyingika muze nwapwile akwa mavungu, anutwalile ku mahamba tumama mu jila yeswayo anutwalile.

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

Galashia 4:8

Alioze ha miaka yize se kunwanyingikine Zambi, nwapwile mu undungo kuli waze ku chisemewa hi mazambi ko.

Shimbi 4:28

Munukavumbikako tuzambi, yitanga ya moko ja atu, twa mitondo ni twa mawe, keshi kumona, chipwe kwivwa, chipwe kulia, chipwe kuhumbika.

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Usolwelo 9:20

Mba masalila ja atu aze kaashihile ni lamba lino, kalikonyekeneko ha yitanga ya moko jo, hanga kechi kawayila andemoniu, ni mahamba ja oru, ni ja prata, ni ja kengelia, ni ja mawe, ni ja mitondo; waze kahashileko chipwe kumona, chipwe kwivwa, chipwe kwenda: