Yilinga 19:21 - MUKANDA USANDU WA ZAMBI 1975

²¹ Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Mukanda Wa Zambi 1970

²¹ Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 19:21 Iomraidhean Croise

Lungungu 3:37

Iya hatumina chuma mba hichapwa, ndo Mwene wachifunjikile?

Yilinga 16:12

katu ku kuze twayile ku Fwilipu, lienalio lie limbo linene lia chihanda chize cha chifuchi cha Masendoniya, ni njize A-Roma atungileko nawa: twanyongonwene mu limbo lize matangwa amwe.

Yilinga 18:12

Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 18:21

alioze washikile no, ngwenyi, Changutamba kuhichika yuma yeswe ngukapwe ku chiwanyino chize muchizaho ku Yerusaleme; alioze kumungukahiluka kuli yenu kachi Zambi mapala, iye wakatukile ku Efwesu nikwenda mu ulungu.

Yilinga 19:22

Iye se watumine ku Masendoniya, aali a kuli waze apwile nikumuvumbika, Timoteu ni Erasetu; iye mwene wasalile shimbu mu Eshia.

Yilinga 19:29

Limbo liazalile tò ni Chizungozungo: o alundumukine ni mbunge yimuwika ku lwaza, nikukoka hamwe no, Ngayu ni Aristako, akwa Masendoniya, ngeji-ni-akwo a Paulu.

Yilinga 20:16

Mumu Paulu te hahala kuhiana Efwesu, hanga kechi katwama shimbu mu Eshia; mumu walipupwishile, hanga kachi mahasa, akahete ku Yerusaleme ha tangwa lia Pentekoste.

Yilinga 20:22

Haliapwila, talenu, ngunayi wa kukasa mu Spiritu ku Yerusaleme, Chanyingikine yuma yize muyikanguwanako:

Yilinga 21:17

Muze twahetele ku Yerusaleme, mandumbu atusambililile.

Yilinga 21:4

Ni se twawanyine tumbaji, twasalileko matangwa shimbiali: waze ambile kuli Paulu ku tachi ja Spiritu ngwo, Kanda ukakanduka ku Yerusaleme.

Yilinga 23:11

Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Yilinga 27:1

Muze achipatwile ngwo, Mutwenda mu ulungu ku Italia, akunjikile Paulu ni amwe funge akwo kuli kapitau, jina lienyi Juliu, wa ku chihuji cha Angusetu.

Yilinga 27:24

ngwenyi, Paulu, kanda wivwa woma; Chakutamba kumana kumeso ja Sesare, ni chikwo nawa, Zambi hanakwehe waze eswe akwenda mu ulungu hamwe ni yena.

Yilinga 28:16

Muze twahetele ku Roma, kapitau wakunjikile funge kuli jenerale ya chilombo cha maswalale; alioze atayijile Paulu kutwama ukawenyi hamwe ni swalale yoze wamufungile.

A-ROMA 1:11

Mumu ngunevu usona kunumona, hanga ngukalianyine ni yenu chawana chimwe cha vumbi, cha uspiritu, hanga nukajikize;

A-ROMA 1:13

Mumu ngunazange nunyingike, mandumbu, ngwe kanji nahalile kuheta kuli yenu, hanga ngukapwe ni mihuko yimwe hakachi kenu nawa, chizechene ngwe hakachi ka akwa mavungu akwo (alioze angukwikile ndo haliapwila).

A-ROMA 1:15

Chocho ha kutwala kuli yami ngunazange kwambujola sango lipema kuli yenu nawa nuli mu Roma.

1 Korintu 16:5

Alioze mungukeza kuli yenu muze hinapalika ndusu mu Masendoniya; mumu mungupalika ndusu mu Masendoniya;

1 Korintu 4:19

Alioze kumungukeza kuli yenu kulutwe lia shimbu likepe kachi Mwene mapala, mba mungukanyingika tachi ja waze akulifuza, hi liji ko.

2 Korintu 10:16

Hanga tukambujole sango lipema kuze kanda lia yenu, hi nikulisamba ko ha njiza ya mbala ayilulikile kulu.

Galashia 2:1

Mba kulutwe lia kumi lia miaka ni miaka yiwana, nakandukile cheka nawa ku Yerusaleme hamwe ni Mbarnavwe, ni Titu nawa wayile hamwe ni yami.

1 Tesalonika 1:7

Chocho nwalumukine yeseko kuli waze eswe akufuliela mu Masendoniya ni Akeya.