Yilinga 19:2 - MUKANDA USANDU WA ZAMBI 1975

² wambile kuli ayo ngwenyi. Nwatambwile Spiritu Musandu muze nwafulielele, nyi? Ngwo, Ka, kutwevwile chipwe kachi Spiritu Musandu heza.

Mukanda Wa Zambi 1970

² yaahula ngwenyi: “Nwatambwile Mwiku wa Lingana muze nwafulielele, nyi?” No yaakumbulula ngwo: “Kanda tuchivwa kama ngwo, Mwiku wa Linanga kuuli.”

Yilinga 19:2 Iomraidhean Croise

Yoano 7:39

Alioze chino wambile ha kutwala kuli Spiritu, yoze waze akufuliela kuli Kristu himatambula: mumu Spiritu kanda achiza; se Yesu kanda anjila mu uhenya wenyi.

Yilinga 10:44

Shimbu Petulu machihanjika maliji ano, Spiritu Musandu wejile hali waze eswe evwile lie liji.

Yilinga 19:5

O muze evwile chino, aapapachishile mu jina lia Mwene Yesu.

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

A-ROMA 1:11

Mumu ngunevu usona kunumona, hanga ngukalianyine ni yenu chawana chimwe cha vumbi, cha uspiritu, hanga nukajikize;

1 Korintu 6:19

Kuma, kunwanyingikine nyi, mujimba wenu unapu tembele ya Spiritu Musandu, yoze uli muli yenu, yoze nuli nenyi wa kuli Zambi? Hi nuli a yenwene ko;

Galashia 3:5

Yoze kashika wakunwaha Spiritu, nikulinga yipupu hakachi kenu, kakuchihnga ku yitanga ya shimbi nyi, shina ku kwivwa cha ufulielo?

1 Samuel 3:7

Samuel kanda achinyingika Yehova; chipwe liji lia Yehova te kanda achilivwa.