Yilinga 19:19 - MUKANDA USANDU WA ZAMBI 1975

¹⁹ Anji a kuli waze apwile nikulinga tufutafuta, anehene mikanda yo, ayochele kumeso ja eswe; ha kwalula ndando jayo, ajiwanyine makumi atano a tununu twa mbongo ja prata.

Mukanda Wa Zambi 1970

¹⁹ Anji waze te akulinga yuma ya tufutafuta yaaneha mikanda yo, yaayisa ku meso ja atu eswe, yaayocha, yaalula ndando yayo, te makumi atano a tununu a mbongo ja prata.

Yilinga 19:19 Iomraidhean Croise

Ubutukilo 35:4

Mba yahana kuli Yakomba mahamba eswe a tundaka apwile no, ni yingelengele apwile nayo mu matwi jo. Yakomba yayivumbika mushi lia mutondo wa carvalho ku Shekeme.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

2 Sango Ja Mianangana 33:6

Wapalikishile ana jenyi mu kahia mu chikulo cha mwana wa Hinome. Walingile nawa yuma ya munanyi, ni ya umbanda, ni ya wanga; wayile kuli akwa mahamba ni akwa tufutafuta. Walingile yipi yinji kumeso ja Yehova kumwihia ku utenu.

Kutuhuka 32:20

Mba yanda mwe mwana-ngombe yoze hamulinga, yamwocha ni kahia nikumufwenya apwe fufuta mba yamulekumwina ha meya nikunwisayo A-Izalele.

Kutuhuka 7:11

Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo.

Kutuhuka 7:22

Yimbanda a Engitu yalinga chizechene ni umbanda wo mba mbunge ya Falau yakalile, kahalakanyine kuli ayo, chizechene ngwe ambile Yehova.

Izaya 30:22

Henaho munukachisa tuponya twenu a kwola ni kufuka ni prata, ni tuponya twenu a kuzuzulula ni kufuka ni oru. Munukaamwanga ngwe chuma cha luchisa, nikwamba ngwenu, Katukenuko!

Izaya 8:19

Mba muze manwamba ngwo, Hanjikenu ni akwa mahamba ni yimbanda aze akuyevweta ni kulinyinguna, ambenu ngwenu, Atu kechi kuhanjika ni Zambi yo? Te mahanjika ni afu ha kutwala kuli amwono?

Daniel 2:2

Henaho mwanangana yatuma kusanyika yimbanda, ni tahi, ni akwa tufutafuta, ni A-Kaletea akalumbunune kuli mwanangana yilota yenyi. O yeza, yamana kumeso ja mwanangana.

Alevi 13:52

Mba uzalo wa wona wa panga hanji wa hina lipema litoma, mawocha, chipwe musongo wapwa mu mutwalo chipwe mu mbandwola, chipwe cheswacho cha kupu, mumu musongo wa mbumba ya mbongola, kashika achoche ni kahia.

Luka 14:33

Chocho kevwe mweswawo wa kuli yenu keshi kwehuka yize yeswe ali nayo, kahashile kupwa kambaji kami.

Luka 15:8

Hanji pwo muka mapwa ni kumi lia mbongo, kachi umuwika mamutoka, keshi kuwika ndeya, nikukomba mu zuwo, nikuhengula kanawa ndo mamuwana?

Yilinga 13:6

Muze apalikile ndusu mu tungu lieswe ndo ku Pafwo, awanyine umwe mukwa tufutafuta, profeta wa kwonga, Ka-Yunda, jina lienyi Mbar-Yesu;

Yilinga 13:8

Alioze mukwa tufutafuta Elaima (mumu chocho jina lienyi Unalumbunuka) walimikine no, wafupile kukondolola nguvulu ku Ufulielo.

Yilinga 19:18

Anji a kuli waze afulielele, ejile nikushikisa, nikwambulula yitanga yo.

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.