Yilinga 19:18 - MUKANDA USANDU WA ZAMBI 1975

¹⁸ Anji a kuli waze afulielele, ejile nikushikisa, nikwambulula yitanga yo.

Mukanda Wa Zambi 1970

¹⁸ Atu anji waze afulielele yaashikisa milonga yo, nikusolola ku meso ja atu eswe yize alingile hatangu.

Yilinga 19:18 Iomraidhean Croise

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Ezekiel 36:31

Henaho munukewuluka ndako jenu jipi ni yitanga yenu yize kuyapemene; mba munukalivwila lwaji ha mukunda wa uhenge wenu ni yitanga yenu ya lwaji.

Alevi 16:21

Arone masa moko jenyi eswe ni aali ha mutwe wa pembe wa mwono. Mashikisa hali iye uhenge weswe wa A-Izalele, ni Utanguko wo weswe, ye shili yo yeswe, akayise ha mutwe wa pembe akamutume ku puya ku kwoko lia umwe wa kutongola kulu.

Alevi 26:40

Alioze nyi mashikisa uhenge wo ni uhenge wa akako, ni mafwefwe aze alingile a kulimika ni yami, ni chize endele nikulimika ni yami,

Mateu 3:6

waapapachishile mu lwiji Yordau, o nikushikisa milonga yo.

Yilinga 19:17

Ni waze eswe atwamine mu Efwesu, ni A-Yunda, ni A-Ngresia achinyingikine, ni woma wejile hali ayo eswe, ni jina lia Mwene Yesu liafumanyine.

Yilinga 19:19

Anji a kuli waze apwile nikulinga tufutafuta, anehene mikanda yo, ayochele kumeso ja eswe; ha kwalula ndando jayo, ajiwanyine makumi atano a tununu twa mbongo ja prata.

A-ROMA 10:10

mumu ni mbunge mutu mafuliela akatambule ululi; mba ni kanwa matayiza akatambule ulamwino.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.