Yilinga 19:16 - MUKANDA USANDU WA ZAMBI 1975

¹⁶ Yoze mutu, muli iye mwapwile Spiritu mupi, watumbukile hali ayo, waakumbile, eswe aali, waahepwishile, chocho ombokele haze lia zuwo tupaza ni uselesele.

Mukanda Wa Zambi 1970

¹⁶ Mutu yoze te uli ni mwiku ubi yaatumbukila, yaazeyesa, yaalamba malunga waze eswe. No yaatuhuka mu zuwo nikuchina fuji uselesele ni yilonda ha mijimba.

Yilinga 19:16 Iomraidhean Croise

Marku 5:15

Yeza kuli Yesu, yamona mukwa ndemoniu, yoze wapwile kushi ni tununu, kanatwama, kanazala hina, hapwa ni mana: no evwile woma.

Luka 8:29

Mumu te hamba Spiritu ya luchisa atuhuke muli mutu. Mumu kanji wamukwachile: ni atu amulayile wa kukasa ni malenge ni kuli; iye nikupatula makana pundu, amuhungumionene kuli ndemoniu ku puya.

Luka 8:35

O atuhukile mukumona chize chapwile, ejile kuli Yesu, awanyine mutu yoze muli iye hatuhuka andemoniu, kanatwama ku yiliato ya Yesu, hazala hina, hapwa ni mana, no evwile woma.

Yilinga 19:15

Alioze Spiritu mupi waakumbulwile, ngwenyi, Yesu ngunamunyingika, hingunevu hali Paulu; alioze yenu aya?

Yilinga 19:17

Ni waze eswe atwamine mu Efwesu, ni A-Yunda, ni A-Ngresia achinyingikine, ni woma wejile hali ayo eswe, ni jina lia Mwene Yesu liafumanyine.

Yilinga 3:8

Iye, nikunyangumuka wakatukile, waputukile kwenda, wanjilile hamwe no mu tembele, nikwenda, nikutumbuka, nikuhalisa Zambi.

2 Petulu 2:19

Kakwalakenya utuswilo, shimbu ayo ene anapu ndungo ja kupola; mumu ku chize makumba mutu, ku chize nawa mamupwisa ndungo.