Yilinga 18:8 - MUKANDA USANDU WA ZAMBI 1975

⁸ Alioze Krisepu, mukwa kuyula sunangonga, wafulielele Mwene, ni akwa zuwo lienyi eswe; ni anji a kuli A-Korindu, ha kwivwa, yafuliela, yaapapachisa.

Mukanda Wa Zambi 1970

⁸ Krispu, mukwa lutwe wa zuwo lia kuwayila lia Ayuda, yafuliela Mwene Yesu hamwe ni akwa zuwo lienyi eswe. Akwa Korintu akwo anji nawa, muze heevwa Paulu, yaafuliela. Mba yaapapachisa.

Yilinga 18:8 Iomraidhean Croise

Ubutukilo 17:27

ni malunga eswe a kusemuka mu zuwo lienyi, ni waze a kulanda ni mbongo, eswe aapwishile ngalami hamwe nenyi.

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Marku 5:22

Mba, umwe wa kuli akwa kuyula sunangonga, jina lienyi Yaru, yeza; iye ha kumumona, yafulamana ku yiliato yenyi.

Marku 5:35

Shimbu achili nikuhanjika, amwe a ku zuwo lia mukwa kuyula sunangonga yeza, yamba ngwo, Mwané hafwa, kuchi te mukatalisa Longeshi nawa?

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 11:14

iye kumakakwaha maliji akulilamwina no, yena ni akwa zuwo lie eswe.

Yilinga 13:15

Kulutwe lia kutanga cha shimbi ni mikanda ya aprofeta, akwa kuyula sunangonga atumine kuli ayo, ngwo, Mandumbu, kachi liji limwe lia kushinjila atu nuli nalio, ambenu.

Yilinga 16:34

Iye waakandwishile ku zuwo lienyi, waahele kulia, walikwijile hamwe ni akwa zuwo lienyi eswe, se hafuliela Zambi.

Yilinga 18:1

Kulutwe lia yino yuma, Paulu wakatukile Ku Atene, wayile ku Korindu.

Yilinga 18:17

O eswe akwachile Sosetene, mukwa kuyula sunangonga, amulambile kulutwe lia chitwamo cha upatwilo, ni Ngaliu kasele mbunge ha nichimwe cha ku yino yuma.

Yilinga 19:1

Shimbu Apolu te achili ku Korindu, Paulu se hanapalika ndusu mu yifuchi yeswe ya ku tunda, wahetele ku Efwesu, wawanyine amwe tumbaji:

Yilinga 8:12

Alioze muze afulielele Fwilipe ha kwambujola sango lipema lia kutwala ku wanangana wa Zambi ni jina lia Yesu Kristu, aapapachishile, ni malunga ni mapwo.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

2 Korintu 1:1

Yetu, Paulu postolo wa Yesu Kristu ku upale wa Zambi, ni ndumbu Timoteu, Ku chikungulwila cha Zambi chize chili ku Korindu, hamwe ni asandu waze eswe ali mu chifuchi cha Akeya:

2 Korintu 1:23

Alioze Zambi akapwe chela ha mbunge yami, ngwe ha kunuvwila keke chejile ku Korindu.

2 Korintu 6:11

Makanwa jetu kanapakuka kuli yenu, A-Korindu, mbunge jetu jinatoho.

2 Timoteu 4:20

Erastu wasalile ku Korindu: aiioze nahichikile Trofwimu kunyima ku Miletu, kayiza.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.