Yilinga 18:28 - MUKANDA USANDU WA ZAMBI 1975

²⁸ Mumu wakumikine chikolo A-Yunda, ni chize kumeso ja atu eswe, nikulweza ku Yisoneko Yesu iye mwe Kristu.

Mukanda Wa Zambi 1970

²⁸ Mumu yakununa Ayuda ni tachi ku meso ja atu eswe. Yaalongesa ni ku shindakenya ku Mukanda wa Zambi ngwenyi: “Yesu mwe Chilamwina yoze Zambi alakenyene.”

Yilinga 18:28 Iomraidhean Croise

Luka 1:80

Mwe mwana watatukile, wafundwile mu Spiritu, wapwile mu puya ndo tangwa lia kumulweza kuli A-Izalele.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Yilinga 17:3

Nikulumbununa pundu nikulweza ngwe chatamba Kristu kwivwa lamba, nikuhinduka hakachi ka afu; ngwenyi, Yono Yesu ngunanwambulwilayo, iye mwe Kristu.

Yilinga 18:25

Yono wafumbiwile mu jila ya Mwene; iye se wazangumioka mu Spiritu, wahanjikile, nikulongesa pundu yuma ya kutwala kuli Yesu, alioze kananyingika wika upapachiso wa Yoano:

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 8:35

Fwilipe Wapakwile kanwa lienyi, iye, nikuputuka ku chisoneko chino, wamwambulwilile sango lipema lia Yesu.

Yilinga 9:22

Alioze Saulu wahianyine ni tachi, watupiekesele A-Yunda waze atwamine ku Ndamaseku, nikwasolwela yinyingi ngwenyi, Yono mwe Kristu.