Yilinga 18:26 - MUKANDA USANDU WA ZAMBI 1975

²⁶ iye waputukile kuhanjika ni hamu mu sunangonga. Alioze muze Akwila ni Prisela amuvwile, amutwalile hamwe no, washindunwine kuli iye pundu nawa jila ya Zambi.

Mukanda Wa Zambi 1970

²⁶ Yabutuka kuhanjika ni hamu mu zuwo lia kuwayila lia Ayuda. Muze Prisila ni Akwila haamwivwa, yaamutwala ku mahio, yaamulumbunwina jila ya Zambi kanawa.

Yilinga 18:26 Iomraidhean Croise

Yishima 1:5

Mukwa mana nawa kumevwa mba maweza ku yinyingi yenyi ni mukwa malinjekela maliwezela ulangaji,

Yishima 25:12

Mukwa mana yoze mahana liji lia kukanjisa mu twitwi lia kwononoka kapwa ngwe kazeya ka oru, hanji chuma cha uhenya cha oru yipema.

Yishima 9:9

Fumba mukwa mana mba maliwezela mana. Longesa mukwa ululi mba maliwezela yinyingi.

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Marku 10:15

Pundu ngunambe kuli yenu ngwami, Mweswawo keshi kutambula wanangana wa Zambi ngwe mwana mukepe, kechi kanjilamo nichimwe.

Luka 19:26

Mumu ngunambe kuli yenu ngwami, Mweswe ukwete kumakamwaha, alioze yoze keshi nacho, chipwe chize ali nacho kumakamuchizacho.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 18:18

Paulu, se watwamine kulutwe lia chino hindu matangwa anji, washikile ni mandumbu, wendele mu ulungu ku Seria, ni hamwe nenyi Prisela ni Akwila; Paulu te wakambile mutwe wenyi mu Senekwea, mumu chilakenyo wapwile nacho.

Yilinga 18:25

Yono wafumbiwile mu jila ya Mwene; iye se wazangumioka mu Spiritu, wahanjikile, nikulongesa pundu yuma ya kutwala kuli Yesu, alioze kananyingika wika upapachiso wa Yoano:

Yilinga 19:8

Iye wanjilile mu sunangonga, wahanjikile ni hamu ha shimbu lia tukweji atatu, nikuhanjika kuli ayo, nikwakununa ha kutwala ku wanangana wa Zambi.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Yilinga 8:31

Iye wambile ngwenyi, Ngwe kuchi munguhasa shina umwe mangusongwela? Iye walembele Fwilipe anyine atwame nenyi.

1 Korintu 12:21

Liso kuliahashile kwamba ku kwoko ngwenyi, Chakufupile, hanji cheka nawa mutwe kuwahashile kwamba ku molu ngwenyi, Chanufupile.

1 Korintu 3:18

Niumwe kanda ahonga nichimwe. Kachi umwe malishinginyeka kupwa mukwa mana hakachi kenu ha mwakono, apwe chihepuke, hanga akapwe mukwa mana.

1 Korintu 8:2

Kachi umwe manyonga ngwe kananyingika chuma chimwe, kachi kanda achinyingika nichimwe ngwe chamutamba kunyingika;

Hebreu 6:1

Kashika nikuhichika liji lia uputukilo lia Kristu, tusenyenu kulutwe ku ungunu; kanda tusela cheka nawa fundamentu ya kulikonyeka ku yitanga ya kufwa, ni Ufulielo kuli Zambi,

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.