Yilinga 18:25 - MUKANDA USANDU WA ZAMBI 1975

²⁵ Yono wafumbiwile mu jila ya Mwene; iye se wazangumioka mu Spiritu, wahanjikile, nikulongesa pundu yuma ya kutwala kuli Yesu, alioze kananyingika wika upapachiso wa Yoano:

Mukanda Wa Zambi 1970

²⁵ Haanamulongesa jila ya Mwene. Neye yalihana kuhiana kunyingikisa ni kulongesa kanawa chikuma cha Yesu, alioze yanyingika shina upapachiso wa Yoano.

Yilinga 18:25 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Miaso (Masamu) 119:1

Kawaha waze alulama mu jila; waze enda mu shimbi ja Yehova.

Miaso (Masamu) 67:2

Hanga akanyingike jita ye hano hashi, ni ulamwino we hakachi ka mavungu eswe.

Izaya 40:3

Liji limwe linatambika ngwo, Lulikenu jila ya Yehova mu puya, lulamisenu tapalo lia Zambi yetu ha kango.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Marku 1:3

Liji lia yoze wakukololoka mu puya, Ngwo, Lulikenu jila ya Mwene, Lulamisenu yikoka yenyi;

Marku 12:14

O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Luka 1:4

hanga ukanyingike pundu umwenemwene wa yuma yize akufumbileyo.

Luka 7:29

Ata eswe ni akwa kufwetesa lijimu muze evwile, asambishile Zambi, se aapapachishile ni upapachiso wa Yoano.

Yilinga 13:10

wambile ngwenyi, Yena mwana Ndiapu, wa tò ni kalimbalimba mweswe ni uzazali weswe, mukwa kole ku ululi weswe, kusolo kulitwamina kuhengesa jila ja ululi ja Mwene, nyi?

Yilinga 16:17

Iye nikukaula kunyima ya Paulu ni yetu, wakololokele ngwenyi, Wano atu e ndungo ja Zambi mwe Chitunda, waze akunwambulwila jila ya ulamwino.

Yilinga 18:26

iye waputukile kuhanjika ni hamu mu sunangonga. Alioze muze Akwila ni Prisela amuvwile, amutwalile hamwe no, washindunwine kuli iye pundu nawa jila ya Zambi.

Yilinga 19:23

Kwapwile ha mwaka uze wene Chizungozungo chinene ha kutwala ku Jila yino.

Yilinga 19:3

Iye wambile kuli ayo ngwenyi, Ku chuma chika anupapachishile? O ambile ngwo, Ku upapachiso wa Yoano.

Yilinga 19:9

Alioze muze amwe akalile, kononokene, nikuhanjika chipi ha Jila yino kumeso ja chizavu, wakatukile kuli ayo, wahandunwine tumbaji, nikuhanjika ni atu tangwa ha tangwa mu shikola ya Teranu.

Yilinga 9:2

wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme.

A-ROMA 12:11

Ha kulipupwisa, kanda nulengama; lishinjilenu mu Spiritu jenu kulingila Mwene.

2 Timoteu 2:4

Swalale niumwe malilimba ni yuma ya mwono uno; hanga akapemene kuli yoze hanamusela ku uswalale.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

Akwa Kuyula 2:22

hanga ngukeseke A-Izalele kuli ayo kumona nyi matala kanawa kwenda mu jila ya Yehova ngwe tulamba two endele, nyi ka.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.