Yilinga 18:23 - MUKANDA USANDU WA ZAMBI 1975

²³ Muze hatwamako shimbu, wakatukile, wayile ndusu mu chifuchi cha Ngalashia ni Fwijia, limbo ni limbo, nikutakamisa tumbaji.

Mukanda Wa Zambi 1970

²³ Muze hatwama ko shimbu, yakatuka ko, yaya ndusu mu chifuchi cha Galashia ni cha Frigia nikutakamisa tumbaji eswe.

Yilinga 18:23 Iomraidhean Croise

Ezra 1:6

Ni eswe a kwajingilika yatakamisa moko jo ni yikwachilo ya prata, ni oru, ni upite, ni yimuna, ni yikumba yilemu, helu lia milambu ya mbunge.

Daniel 11:1

Ha kutwala kuli yami, mu mwaka utangu wa Ka-Media Dariu, ami namanyine kumukolesa ni kumutakamisa.

Luka 1:3

changupemenene yami nawa, se hingunanyingika yuma yeswe pundu chize ku uputukilo, kusoneka nikululika kuli yena Teofwilu mulemu Wahiana;

Luka 22:32

Alioze naliumbile hali yena, hanga Ufulielo we kuuchi kahwa; ni yena muze hiwalumuka, ukajikijise mandumbu je.

Luka 22:43

Mungelo wa mwilu wasolokele kuli iye, nikumutakamisa.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Yilinga 15:32

Ni Yunda ni Saila, se o nawa aprofeta, ashinjilile atu ni maliji anji, nikwatakamisa.

Yilinga 15:41

Iye wapalikile ndusu mu Seria ni Selishia, nikutakamisa yikungulwila.

Yilinga 16:40

O atuhukile mu zuwo lia ususu, anjilile mu zuwo lia Lindia: mba muze te hamona mandumbu, aalembejekele, yakatuka.

Yilinga 16:6

O apalikile ndusu mu chifuchi cha Fwijia ni Ngalashia, se Spiritu Musandu waakanjishile kanda ambujola lie liji mu Eshia;

Yilinga 19:1

Shimbu Apolu te achili ku Korindu, Paulu se hanapalika ndusu mu yifuchi yeswe ya ku tunda, wahetele ku Efwesu, wawanyine amwe tumbaji:

Yilinga 2:10

Ni Fwikia, ni Pamafwilia, ni Engitu, ni yihanda ya ku Pute, yize yakusulangana ni Sevwene, ni njize a ku Roma, ni A-Yunda, ni akwa kutayiza a ku mavungu,

1 Korintu 16:1

Achi, ha kutwala ku kukunga cha mbongo hali asandu, chizechene ngwe naselele ku yikungulwila ya Ngalashia, chocho nawa lingenu.

Galashia 1:2

ni mandumbu waze eswe ali hamwe ni yami, Ku yikungulwila ya mu Ngalashia:

Galashia 1:9

Chizechene ngwe hitwamba kulu, chocho ngunambe haliapwila cheka nawa ngwami, Kachi umwe manwambulwila sango lipema likwo lialipwila ni lize twanwambulwilile, ngwetu, Akashingiwe.

Galashia 4:14

chize chapwile chuma chikalu kuli yenu mu musunya wami kunwachilelesele, chipwe kunwalitunyinecho; alioze nwangutambwile ngwe mungelo wa Zambi, ngwe Kristu Yesu.

Shimbi 3:28

Alioze uhane shimbi kuli Yoshua umukolese umujikijise, mumu iye makazauka kumeso ja atu ano, iye makaatungisa mu chifuchi yena mumona.

1 Tesalonika 3:2

Twatumine Timoteu, ndumbwetu, kanda kavumbi ka Zambi mu sango lipema lia Kristu, mukunutakamisa, nikunulembejeka ha kutwala ku Ufulielo wenu;

1 Tesalonika 4:18

Kashika lilembejekenu umwe ni mukwo ni maliji ano.

1 Tesalonika 5:14

Alioze tunaliumbu kuli yenu, mandumbu, nukakanyamise yilumbuke, sangulwisenu akwa ulenda ku mbunge, kolesenu akwa kulela, lihumikizenu ni eswe.