Yilinga 18:21 - MUKANDA USANDU WA ZAMBI 1975

²¹ alioze washikile no, ngwenyi, Changutamba kuhichika yuma yeswe ngukapwe ku chiwanyino chize muchizaho ku Yerusaleme; alioze kumungukahiluka kuli yenu kachi Zambi mapala, iye wakatukile ku Efwesu nikwenda mu ulungu.

Mukanda Wa Zambi 1970

²¹ alioze yalishika no ngwenyi: “Mungukeza nawa, nyi Zambi mapala.” Mba yakatuka ku Efesu, yanjila mu ulungu.

Yilinga 18:21 Iomraidhean Croise

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Marku 6:46

Ni muze te hashika no, wayile ku mulundu mukulemba.

Luka 9:61

Mukwo nawa wambile ngwenyi, Mungukukaula, Mwene; alioze ngutayize kama nguhange kushika ni waze ali ku zuwo liami.

Yilinga 15:29

ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.

Yilinga 18:19

Iye wahetele ku Efwesu, waahichikileko: alioze iye mwene wanjilile mu sunangonga nikuhanjika kuli A-Yunda.

Yilinga 18:20

Muze amulembele, atwame no shimbu, katayileko:

Yilinga 18:24

Achi, umwe Ka-Yunda, jina lienyi Apolu, mukwa Alezandre ku munyachi wenyi, mukwa kulongoloka, wahetele ku Efwesu; iye mukwa tachi mu yisoneko.

Yilinga 19:1

Shimbu Apolu te achili ku Korindu, Paulu se hanapalika ndusu mu yifuchi yeswe ya ku tunda, wahetele ku Efwesu, wawanyine amwe tumbaji:

Yilinga 19:17

Ni waze eswe atwamine mu Efwesu, ni A-Yunda, ni A-Ngresia achinyingikine, ni woma wejile hali ayo eswe, ni jina lia Mwene Yesu liafumanyine.

Yilinga 19:21

Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 20:16

Mumu Paulu te hahala kuhiana Efwesu, hanga kechi katwama shimbu mu Eshia; mumu walipupwishile, hanga kachi mahasa, akahete ku Yerusaleme ha tangwa lia Pentekoste.

Yilinga 21:14

Muze katayileko, twaholele, ngwetu, Upale wa Mwene ukalingiwe.

Yilinga 21:29

Mumu amwene kulu Trofwimu, Ka-Efwesu, hamwe nenyi mu limbo, iye ashinginyekene ngwe Paulu hamunjisa mu tembele.

A-ROMA 1:10

ngunaliumbu, hanji ku jila yimwe akanguwahise ku upale wa Zambi ngukahete kuli yenu.

A-ROMA 15:32

Hanga ngukeze kuli yenu ni uwahililo, ku upale wa Zambi, ni hanga ngukahwime hamwe ni yenu.

1 Korintu 15:32

Nyi kachi nikulita ni atu nalitachikile ni ngongo ku Efwesu, chika ngunafumbuka? Kachi keshi kuhindwisa afu, ngwami, Tulienu, tunwenu, mumu hamene mutufwa.

1 Korintu 16:7

Mumu chazangile kunumona haliapwila ha kupalika mu jila; mumu ngunatatatata kutwama shimbu hamwe ni yenu, kachi Mwene matayiza.

1 Korintu 16:8

Alioze mungukatwama mu Efwesu ndo ku Pentekoste.

1 Korintu 4:19

Alioze kumungukeza kuli yenu kulutwe lia shimbu likepe kachi Mwene mapala, mba mungukanyingika tachi ja waze akulifuza, hi liji ko.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

Efesu 1:1

Yami Paulu, postolo wa Kristu Yesu ku upale wa Zambi, Kuli asandu waze ali ku Efwesu, amwenemwene muli Kristu Yesu:

Shimbi 16:1

Nukafunge kakweji ka Ambimbi, nukalie Chizomboka cha Yehova Zambi yenu, mumu ha kakweji ka Ambimbi ha ufuku Yehova Zambi yenu wanuchijile mu Engitu.

Hebreu 6:3

Ni chino mutulinga nyi Zambi matayiza.

Tiangu (Jake) 4:15

Shinaho Chanutamba kwamba ngwenu, Kachi Mwene mapala, nyi kachi mutupwa ni mwono, kachi mutukalinga Chikachi ni Chinganji.

1 Petulu 3:17

Mumu chipema, kachi upale wa Zambi, nukevwe lamba ha kulinga yipema, hi ha kulinga yipi ko.

Usolwelo 1:11

Unambe ngwo, Chize unamono, chisoneke mu mukanda, ukautume ku yikungulwila shimbiali: ku Efwesu, ni ku Semina, ni ku Perekamu, ni ku Tayatera, ni ku Sarte, ni ku Filadelfia, ni ku Laotisea.

Usolwelo 2:1

Kuli mungelo wa chikungulwila cha ku Efwesu Soneka ngwe, Yino yuma kanambe yoze wakukwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya ndeya ya oru, ngwenyi,