Yilinga 18:12 - MUKANDA USANDU WA ZAMBI 1975

¹² Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Mukanda Wa Zambi 1970

¹² Alioze, muze haapwisa Galiu mukwa kuyula wa chifuchi cha Gresia, Ayuda yaakatukila Paulu ni mbunge yimuwika, yaamutwala ku chisopelo.

Yilinga 18:12 Iomraidhean Croise

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Yoano 19:13

Pilatu kashika muze evwile maliji ano, watwalile Yesu haze, Watwamine ha chitwamo cha upatwilo, haze anavuluka ngwo, Hakwalamawe, alioze mu limi lia Hepreu ngwo, Ngapata.

Yilinga 13:12

Hohene nguvulu, muze amwene chize chapwile, wafulielele, nikulishikishila ha longeso lia Mwene.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 13:7

iye wapwile hamwe ni nguvulu Sejiu Paulu, mukwa malinjekela. Iye watambikile Mbamavwe ni Saulu, wafupile kwivwa liji lia Zambi.

Yilinga 13:8

Alioze mukwa tufutafuta Elaima (mumu chocho jina lienyi Unalumbunuka) walimikine no, wafupile kukondolola nguvulu ku Ufulielo.

Yilinga 14:19

Alioze kwejile A-Yunda a ku Andiakia ni Ikoniu, o nikukununa mbunga, ashile mawe Paulu, amumbulumwine haze lia limbo, nikushinginyeka ngwo, Hanafu.

Yilinga 14:2

Alioze A-Yunda waze kononokene avundwile akwa mavungu nikwalumbula ha kutwala kuli mandumbu.

Yilinga 17:13

Alioze muze A-Yunda a ku Tesalonika anyingikine ngwo, Liji lia Zambi aliambujolele kuli Paulu ku Mberia, ayileko nawa, nikuvundula nikupinjisa mbunga.

Yilinga 17:5

Alioze A-Yunda, nikwivwa ukwa, akungulwile amwe yingulungulu a ku yitanda, nikukunga mbunga, anehene vunda mu limbo; nikupupa zuwo lia Yasone, afupile kwaneha haze kuli atu;

Yilinga 18:11

Iye watwamineko kumi lia tukweji ni tukweji nake, nikulongesa liji lia Zambi hakachi ko.

Yilinga 18:27

Muze ahalile kuya ku Akeya, mandumbu amukwashile, asonekene kuli tumbaji akamutambule. Muze aheteleko, wakwashile chikolo waze te ku vumbi afulielele.

Yilinga 19:21

Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 25:10

Alioze Paulu wambile ngwenyi, Ngunamana kulutwe lia chitwamo cha upatwilo wa Sesare, kuze chatamba angupatwile: kuli A-Yunda chalingile chipi nichimwe, chizechene ngwe yena mwene unanyingika kanawa.

A-ROMA 15:26

Mumu hichinawahila akwa Masendoniya ni akwa Akeya kuhana jimwe mbongo hali yiswale a kuli asandu, waze ali mu Yerusaleme.

A-ROMA 16:5

menekenu chikungulwila chize chili mu zuwo lio; menekenu Epemetu mukwetu wa zango, yoze wapwa muhuko utangu wa ku Eshia kuli Kristu.

1 Korintu 16:15

Haliapwila ngunaliumbu kuli yenu mandumbu, (nunanyingika akwa zuwo lia Esetefwana, o ye mihuko yitangu ya kuli A-Akeya, o hanalisela ku uvumbiko wa asandu),

2 Korintu 1:1

Yetu, Paulu postolo wa Yesu Kristu ku upale wa Zambi, ni ndumbu Timoteu, Ku chikungulwila cha Zambi chize chili ku Korindu, hamwe ni asandu waze eswe ali mu chifuchi cha Akeya:

2 Korintu 11:10

Nikulita ngwe umwenemwene wa Kristu uli muli yami, niumwe kechi kanguholesa ha kulisamba chino mu yifuchi ya Akeya.

2 Korintu 11:26

Mu mawenyi kanji, ni Utoji wa mu njiji, ni Utoji wa mihuza; ni Utoji kuli akwa munyachi wami; ni Utoji kuli akwa mavungu: ni Utoji mu membo; ni Utoji mu puya; ni Utoji ha kalungalwiji; ni Utoji hakachi ka mandumbu a kwonga;

2 Korintu 9:2

mumu ngunanyingika kulipupwisa chenu, chize nakulisamba nacho hali yenu kuli A-Masendoniya, ngwe akwa Akeya hanalulika chize ku mwaka waali; nikulinga chenu cha mbunge yeswe hichinakasumuna anji a kuli ayo.

1 Tesalonika 2:14

Mumu yenu, mandumbu, nwalumukine akwa kwimbulula yikungulwila ya Zambi yize yili mu Yundeya muli Kristu Yesu: mumu ni yenu nawa nwevwile lamba lia yuma yimuwika kuli akwa vungu lia yenwene, chizechene ngwe ayo nawa evwile kuli A-Yunda:

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.

Tiangu (Jake) 2:6

Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?