Yilinga 18:11 - MUKANDA USANDU WA ZAMBI 1975

¹¹ Iye watwamineko kumi lia tukweji ni tukweji nake, nikulongesa liji lia Zambi hakachi ko.

Mukanda Wa Zambi 1970

¹¹ Kashika yatwama ko mwaka ni tukweji asambano nikwalongesa maliji a Zambi.

Yilinga 18:11 Iomraidhean Croise

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 18:10

mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

Yilinga 18:12

Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 19:10

Chino chapwile ha miaka yiali; chocho waze eswe atwamine mu Eshia, evwile liji lia Mwene Yesu, ni A-Yunda ni A-Ngresia.

Yilinga 20:31

Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.