Yilinga 17:5 - MUKANDA USANDU WA ZAMBI 1975

⁵ Alioze A-Yunda, nikwivwa ukwa, akungulwile amwe yingulungulu a ku yitanda, nikukunga mbunga, anehene vunda mu limbo; nikupupa zuwo lia Yasone, afupile kwaneha haze kuli atu;

Mukanda Wa Zambi 1970

⁵ Alioze Ayuda yeevwa ukwa, yaakambila amwe yingulungulu, atu amokomoko, ni kukungulula mbunga. Yaaneha Vunda jinji mu limbo, yaajingilika zuwo lia Jasone nikufupa Paulu ni Sila hanga aakunjike ku mbunga ya akwa limbo.

Yilinga 17:5 Iomraidhean Croise

Miaso (Masamu) 35:15

Alioze o akungulukile nikuwahilila ha kutalinga chami. Yilamikiji angukungulukilile, ami chachinyingikine. Angupapulwile, kalitwaminyineko.

Miaso (Masamu) 69:12

Waze atwama mu chikolo cha limbo kakunguhanjikila. Hinapwa mwaso wa akwa kuzengewa.

Yishima 14:30

Mbunge yingunu kuyakuhana mwono ku mujimba; alioze ukwa kuwakupolesa yifwaha.

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Mateu 27:18

Mumu wanyingikine ngwenyi, Hamukunjika mumu ha lufwachinda.

Yilinga 13:45

Alioze muze A-Yunda amwene mbunga, azalile tò ni ukwa, ahamikine yuma yize ahanjikile Paulu, nikushililika.

Yilinga 14:19

Alioze kwejile A-Yunda a ku Andiakia ni Ikoniu, o nikukununa mbunga, ashile mawe Paulu, amumbulumwine haze lia limbo, nikushinginyeka ngwo, Hanafu.

Yilinga 14:2

Alioze A-Yunda waze kononokene avundwile akwa mavungu nikwalumbula ha kutwala kuli mandumbu.

Yilinga 17:13

Alioze muze A-Yunda a ku Tesalonika anyingikine ngwo, Liji lia Zambi aliambujolele kuli Paulu ku Mberia, ayileko nawa, nikuvundula nikupinjisa mbunga.

Yilinga 17:6

muze kaawanyineko, ambulumwine Yasone ni amwe mandumbu kumeso ja akwa kuyula limbo, nikukololoka ngwo, Wano hanalumuna yifuchi yeswe ya hashi, haneza kuno nawa;

Yilinga 17:7

Yasone hanaatambula, ni wano eswe kakulimika ni shimbi ja Sesare, ngwo, Kwali mwanangana mukwo, iye Yesu.

Yilinga 17:9

Muze te hatambula chifungo kuli Yasone, ni kuli akwo, aatuswile.

Yilinga 18:12

Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 19:40

Se chamwenemwene Utoji tuli nawo, hanji matusuma ha vunda lia musono, chikuma te chakuhi: ha chuma chino kutuchi kuhasa kulisambisa ha Chizungozungo chino.

Yilinga 7:9

Tulamba, se evwilile ukwa José, amulanjishile ku Engitu: alioze Zambi wapwile hamwe nenyi.

A-ROMA 16:21

Timoteu mukwa milimo-ni-mukwetu, ni Luseu, ni Yasone, ni Sosepatere, usoko wami, kananumeneka.

1 Korintu 3:3

Mumu nuchili akwa musunya: mumu se kuyili hakachi kenu, ni ukwa, ni vunda, ni kuhangujola, hi nuli akwa musunya ko, nyi? Kunwendele nikulita ni atu, nyi?

2 Korintu 11:26

Mu mawenyi kanji, ni Utoji wa mu njiji, ni Utoji wa mihuza; ni Utoji kuli akwa munyachi wami; ni Utoji kuli akwa mavungu: ni Utoji mu membo; ni Utoji mu puya; ni Utoji ha kalungalwiji; ni Utoji hakachi ka mandumbu a kwonga;

Galashia 5:21

ni lufwachinda, ni ungalwe, ni kuzengewa, ni kuhungumuka ni yipi, ni yuma ya kulifwa ni yino; ha kutwala ku yiyo, ngunanwambulwila Shimbu-kanda, chizechene ngwe nanwambulwilile kulu, ngwami, Waze akulingalinga yuma ngwe yino kechi kahinga wanangana wa Zambi.

Galashia 5:26

Kanda tuzanga uhenya wamokomoko, kanda tulihia umwe ni mukwo, kanda tupwa ni lufwachinda umwe kuli mukwo.

1 Tesalonika 1:6

Ni yenu nwalumukine akwa kutwimbulula, ni akwa kwimbulula Mwene, se nwatambwile liji lia Mwene mu luyinda munji hamwe ni uwahililo wa Spiritu Musandu.

Tiangu (Jake) 4:5

Shina nunashinginyeka ngwe Chisoneko chinahanjika chamokomoko, nyi? Ngwo, Spiritu, yoze wakutwama muli yetu kakwivwa usona ndo ku ukwa, nyi?

Akwa Kuyula 9:4

Yamwaha makumi shimbiali a mbongo ja prata ja mu zuwo lia Mbale-Mberete mba iye yafweta najo amwe malunga amokomoko a kumukaula.