Yilinga 17:28 - MUKANDA USANDU WA ZAMBI 1975

²⁸ mumu Muli iye, tuli ni mwono, muli iye twakwenda, muli iye tuli ni kupwa chetu; nikulita ngwe chipwe amwe a kuli akwenu akwa kutomba miaso hanambe ngwo, Mumu yetu tuli ana jenyi nawa.

Mukanda Wa Zambi 1970

²⁸ Mumu, ‘Ku tachi jenyi tuli ni mwono, twakwendangana, chenacho tuli.’ Chili ngwe amwe akwenu, akwa kutomba miaso haanambe ngwo: ‘Ni yetu nawa tuli ana jenyi.’

Yilinga 17:28 Iomraidhean Croise

Jobe 12:10

Mu kwoko lienyi mwatwama mwono wa akwa mwono eswe, ni mwiku wa atu eswe.

Miaso (Masamu) 36:9

Mumu kuli yena kwatwama lie fuji lia mwono. Mu pangu lie mba twakumona pangu.

Miaso (Masamu) 66:9

Yoze wakutwamisa mbunge jetu ni mwono; keshi kutayiza yiliato yetu kukokoloka.

Jeremia 38:16

Mba mwanangana Zedekia yalishinga kuli Jeremia ukawo ku lumbu ngwenyi, Ni mwono wa Yehova yoze watangile alma jetu, chichi kukushiha chipwe kukukunjika kuli wano malunga anafupu kukushiha.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Luka 20:38

Achi, iye hi Zambi ya afu ko, alioze ya a mwono; mumu eswe katwama ni mwono kuli iye.

Luka 3:38

mwana Enoshe, mwana Sete, mwana Alama, mwana Zambi.

Yoano 11:25

Yesu wambile kuli iye ngwenyi, We uhindukilo ni we mwono yami: yoze mangufuliela, chipwe mafwa, hindu kumakapwa ni mwono.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Kolosu 1:17

iye kapwa kulutwe lia yuma yeswe, ni yuma yeswe kuyakupwa muli iye.

Titu 1:12

Umwe wa kuli ayo ene, profeta wo ene wambile ngwenyi, A-Kreta kanapu akwa mahuza matangwa eswe, ngongo api, yipulutu a kulelumioka.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?

Hebreu 2:11

Mumu eswe aali, ni yoze wakusela ku usandu, ni waze hanaasela ku usandu, kanapu eswe a kuli umuwika: ha chikuma chino keshi kwivwa sonyi kwavuluka ngwenyi, Mandumbu.

1 Samuel 25:29

Nyi malunga makatuka akanuhange, akanushihe, hindu mwono wa mwene wami muukapwa wa kukashila mu chichita cha akwa mwono wa kufunga kuli Yehova Zambi yenu. Alioze mwono wa akwa kole jenu makaumbila ngwe kakukonga liwe mu chikapa cha kukonga nacho mawe.