Yilinga 17:25 - MUKANDA USANDU WA ZAMBI 1975

²⁵ chipwe keshi kumulingila ni moko ja atu ngwe anahono chuma chimwe, se iye mwene kakuhana kuli eswe mwono, ni mwiku, ni yuma yeswe;

Mukanda Wa Zambi 1970

²⁵ Chibwe keshi kuhona chimwe Chuma chize atu maahasa kumwaha cho, mumu iye mwene wakuhana mwono, ni mwiku wa mujimba, ni yuma yeswe yikwo kuli atu eswe.

Yilinga 17:25 Iomraidhean Croise

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Jobe 12:10

Mu kwoko lienyi mwatwama mwono wa akwa mwono eswe, ni mwiku wa atu eswe.

Jobe 22:2

Mutu mahasa kufumbula Zambi chimwe chuma? Mukwa mana kakulifumbula mwene wate.

Jobe 27:3

shimbu nguli ni mwiku wami ni Spiritu wa Zambi mapwa mu mazulu jami,

Jobe 33:4

Spiritu wa Zambi wangutangile; mwiku wa Mukwa-Ndundo-Jeswe wakungwaha mwono.

Jobe 34:14

Nyi mahilwisa Spiritu yenyi kuli iye mwene, nyi matambula mwiku wenyi kuli iye nawa.

Miaso (Masamu) 16:2

Hinamba kuli Yehova ngwami, Yena uli Mwene wami, chishi ni yuma yipema shina muli yena.

Izaya 42:5

Zambi Yehova, Tangi wa malilu kanda mukwa kwazazulula, yoze wazazulwile hashi ni yize yeswe yakwizaho, yoze wakuhana mwiku kuli atu eswe aliho, kakuhana Spiritu kuli akwa kwendelaho eswe, aye kanambe ngwenyi,

Izaya 57:16

Mumu chichi kalitachika miaka yeswe, chipwe kutenuka, chichi katenuka matangwa eswe. Kuli yami kwakatuka spiritu ni yami mwene natangile mwiku wa mwono.

Jeremia 38:16

Mba mwanangana Zedekia yalishinga kuli Jeremia ukawo ku lumbu ngwenyi, Ni mwono wa Yehova yoze watangile alma jetu, chichi kukushiha chipwe kukukunjika kuli wano malunga anafupu kukushiha.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Kwalula 27:16

Yehova, Zambi ya maspiritu a atu eswe, asakule umwe lunga wa helu lia chikungulwila,

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Mateu 9:13

Alioze yénu, nukalilongese chize muchilumbunuka ngwo, Ngunazange keke, hi chitapo ko; mumu chejile mukutambika akwa ululi, alioze mukutambika yivulumunyi alikonyeke.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Yilinga 17:28

mumu Muli iye, tuli ni mwono, muli iye twakwenda, muli iye tuli ni kupwa chetu; nikulita ngwe chipwe amwe a kuli akwenu akwa kutomba miaso hanambe ngwo, Mumu yetu tuli ana jenyi nawa.

A-ROMA 11:35

Hanji iya waliangile kumwaha hanga akamukundulule?

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.