Yilinga 17:24 - MUKANDA USANDU WA ZAMBI 1975

²⁴ Zambi yoze watangile hashi ni yuma yeswe yiliho, iye se kapwa Mwenya lilu ni hashi, keshi kutwama mu matembele a kutangiwa ni moko;

Mukanda Wa Zambi 1970

²⁴ Zambi yoze watangile mwilu ni hashi ni yuma yeswe yize yilimo, mwe Mwanangana wa mwilu ni hashi, keshi kutwama mu mazuwo a kuwayila a kutunga ni moko ja atu.

Yilinga 17:24 Iomraidhean Croise

Ubutukilo 1:1

Ha uputukilo Zambi watangile malilu ni hashi.

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Ubutukilo 14:22

Apalama yakumbulula kuli mwanangana wa Sondome ngwenyi, Hinazundula kwoko liami kuli Yehova mwe Chitunda, mwenya malilu ni hashi ngwami,

1 Yitanga Ya Mianangana 8:27

Alioze pundu, Zambi matwama hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

1 MIANANGANA 19:15

Mba Hezekia yalemba kumeso ja Yehova ngwenyi, Yehova, Zambi ya Izalele kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

2 Sango Ja Mianangana 2:6

Iya mahasa kumutungila zuwo se lilu ni lilu lia malilu kuliamutele? Ni yami kuchi munguhasa kumutungila zuwo shina kwochelamo insensu wika kumeso jenyi?

2 Sango Ja Mianangana 6:18

Alioze pundu, Zambi matwama ni atu hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

Miaso (Masamu) 115:16

Malilu o malilu a Yehova, alioze hashi hakunjika kuli ana ja atu.

Miaso (Masamu) 146:5

Kawaha yoze uli ni Zambi ya Yakomba kumukwasa; kutalatala chenyi chili muli Yehova Zambi yenyi,

Miaso (Masamu) 148:13

Akahalise jina lia Yehova, mumu jina lienyi hanangama ukawalio, uhenya wenyi waya helu lia hashi ni lilu.

Miaso (Masamu) 24:1

Hashi ha mbala ha Yehova, ni yuma yeswe yiliho; ni muno-muze ni aze eswe atwamamo.

Izaya 40:12

Iya wazongele kalunga-lwiji mu kwoko lienyi? Iya wafunjikile malilu ni kwoko? Iya wasele fufuta ya hashi mu njongo? Iya wapezalishile milundu yinene ha mbalansa, ni mindundena ha mbalansa yikepe?

Izaya 40:28

Te kunwanyingikine? Kunwevwile? Yehova iye Zambi ya mutolo. Mwe Tangi wa masongo a hashi. Keshi kulezumuka hanji kwivwa yikatalo. Yinyingi yenyi niumwe mahasa kuyijimbula

Izaya 42:5

Zambi Yehova, Tangi wa malilu kanda mukwa kwazazulula, yoze wazazulwile hashi ni yize yeswe yakwizaho, yoze wakuhana mwiku kuli atu eswe aliho, kakuhana Spiritu kuli akwa kwendelaho eswe, aye kanambe ngwenyi,

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 66:1

Yehova kanambe ngwenyi, Lilu liapwa ngunja yami, ni hashi chitwamo cha yiliato yami. Zuwo lize munungutungila lika? Kuma kwami kwa kuhwimina kuchi kwapwa?

Jeremia 10:11

Muwamba kuli ayo ngwe, Mazambi aze katangile malilu ni hashi kumakanonga ni hashi ni mushi lia malilu.

Jeremia 23:24

Yehova kanambe ngwenyi, Mutu mahasa kuswama kumwe kuma kwa kuhengeka, ami chichi kuhasa kumumona? Yehova kanambe ngwenyi, Te chazalishile lihi ni hashi?

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Malaki 2:10

Te eswe hi tata umuwika ko? Katutangile kuli Zambi umuwika? Nyi chocho kuchi te twakulinga ni mafwefwe umwe kuli mukwo ni mukwo nikujilula usendo wa tulamba?

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 5:34

Alioze yami ngunambe kuli yenu ngwami, Kanda nulishinga nichimwe; chipwe ni lilu, mumu ye ngunja ya Zambi;

Luka 10:21

Ha ola yize yene Yesu walikwijile mu Spiritu, ngwenyi, Ngunakuchichimieka Tata, Mwenya lilu ni hashi, wahengekele yino yuma kuli akwa mana ni akwa malinjekela, wayisolwele kuli ana-akemba; ewa, Tata; mumu chocho chakupemenene.

Yoano 1:1

Ha uputukilo hapwile Liji, ni Liji liapwile hamwe ni Zambi, ni Liji liapwile Zambi.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Yilinga 4:24

O, muze achivwile, ahetwile liji lio ni mbunge yimuwika kuli Zambi, akambe ngwo, Mwene, mwe Zambi yena, yoze watangile lilu ni hashi ni kalunga-lwiji, ni yize yeswe yilimo;

Yilinga 7:48

Hindu mwe Chitunda keshi kutwama mu matembele a kutunga ni moko; ngwe anambe profeta ngwenyi,

A-ROMA 1:19

mumu chize anachinyingika ha kutwala kuli Zambi chinasoloka kuli ayo; mumu Zambi hanachisolola kuli ayo.

Shimbi 10:14

Kutala! Lilu lia mbala lia Yehova Zambi yenu, ni lilu lia malilu, hashi ni yeswe yiliho.

Hebreu 1:2

ha kusula songo lia matangwa ano, hanahanjika kuli yetu muli Mwanenyi, yoze hanamupwisa swana ya yuma yeswe, ku tachi jenyi nawa watangile miaka.

Hebreu 3:4

Mumu zuwo lieswe lili ni yoze walitungile; aiioze yoze watungile yuma yeswe iye Zambi.

Usolwelo 20:11

Namwene ngunja yinene yitoma, ni yoze watwamineho, kumeso jenyi lilu ni hashi yachinyine; kuyawanyine chihela.