Yilinga 17:23 - MUKANDA USANDU WA ZAMBI 1975

²³ Mumu shimbu napalikile, natalile ha makombelelo jenu, nawanyine chilumbilo ni chisoneko chino ngwo, Kuli Zambi Yoze Kutwamunyingikine. Yoze kashika nwakuwayila ha kwalajala, iye ngunamwambujola kuli yenu.

Mukanda Wa Zambi 1970

²³ Mumu muze nabalikile mu limbo lienu, namwene yilumbilo ya kuwayila chenu. Chisoneko namwene ha chimwe chilumbilo ngwo: ‘Kuli Zambi yoze kutwanyingikine.’ Yoze nwakuwayila nikwalajala, mwe ngunanwambulwila.

Yilinga 17:23 Iomraidhean Croise

Miaso (Masamu) 147:20

Kalingile chocho ku vungu nilimwe. Chikwo nawa, ha kutwala ku upatwilo wenyi kaunyingikine. Halisenu Yehova.

Miaso (Masamu) 50:21

Yuma yino walinga hindu yami naholele. Wangumwene ngwe nguli mukwenu, alioze mungukakwamba, munguyalula kumeso je.

Izaya 45:4

Ngunakusanyika ni jina lie ha mukunda wa kavumbi kami Yakomba, Izalele yoze natongwele; ngunakuwezela jina likwo chipwe yena kwangunyingikine.

Mateu 15:9

Alioze hamokomoko kakunguwayila, Nikutenga ndongo ja atu shimbi.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 4:22

Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda.

Yoano 8:54

Yesu wakumbulwile ngwenyi, Kachi ngunalichichimieka, kachi uhenya wami wamokomoko: yoze wakunguchichimieka mwe Tata; yoze nwakwamba ngwenu, Iye Zambi yetu.

Yilinga 17:30

Miaka ya kwalajala kashika Zambi walihumikijine nayo; alioze haliapwila kakwamba atu eswe kweswe alikonyeke.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

1 Korintu 1:21

Se nikulita ni mana ja Zambi, akwa hashi ni mana jo kanyingikineko Zambi, chawahilile Zambi ni uhepuke wa kwambujola kulamwina waze anafuliela.

1 Korintu 8:5

Mumu chipwe kwali waze anaavuluka ngwo mazambi, chipwe mwilu, chipwe hano hashi; ngwe kwali mazambi anji ni ene anji.

Efesu 2:12

Ha miaka yize nwapwile kunushi ni Kristu, tundaka ku vungu lia Izalele, ni yilambala ku usendo wa chilakenyo, ni kutalatala nichimwe, nwapwile kunushi ni Zambi hano hashi.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.