Yilinga 17:20 - MUKANDA USANDU WA ZAMBI 1975

²⁰ Mumu unaneha yimwe yuma yakututungumwisa: tunazange kashika kunyingika chize yino yuma muyilumbunuka.

Mukanda Wa Zambi 1970

²⁰ Mumu unatwambulwila yuma yaha, ni tunazange kwivwa ulumbunwiso wayo kanawa.”

Yilinga 17:20 Iomraidhean Croise

Hosea 8:12

Chipwe mungumusonekena shimbi jami ha kumi lia tununu, hindu malimona ngwe chuma cheka.

Marku 9:10

O afungile liji lino, nikulihula hakachi ko chize kuhinduka mukachi ka afu muchipwa.

Yoano 6:60

Anji kashika a kuli tumbaji twenyi muze evwile chino, ambile ngwo, Liji lino likalu; iya mahasa kulivwa?

Yilinga 10:17

Shimbu Petulu akakashanyine muli iye mwene, chize usolwelo uze amwene muulumbunuka, kumanyi, malunga waze atumiwine kuli Koneliu, te hahula ha zuwo lia Semone, amanyine ku chikolo,

Yilinga 17:19

O yamukwata, yamutwala ku mulundu wa Mare, ngwo, Mutuhasa kunyingika longeso lino liaha unahanjika yena, nyi?

Yilinga 17:21

(Achi, A-Atene eswe ni ngeji kalingile chuma cheka shina kwambujola ni kwivwavwa chuma chimwe chaha.)

Yilinga 2:12

O eswe, alishikishilile nikukakashana chikolo, nikuliamba umwe kuli mukwo ni mukwo ngwo, Kuchi chinalumbunuka?

1 Korintu 1:18

Mumu liji lia kulusu linapu uhepuke kuli waze anatoko; alioze kuli yetu, hanatulamwina, linapu je tachi ja Zambi.

1 Korintu 1:23

Alioze yetu twakwambujola Kristu wa kuliachila ha kulusu, kuli A-Yunda chitalingiso, ni kuli akwa mavungu uhepuke;

1 Korintu 2:14

Achi, mutu wa musunya keshi kutambula yuma ya Spiritu ya Zambi: mumu yinapu uhepuke kuli iye; iye kahashile kuyinyingika, mumu kakuyisa chinyingi ni Spiritu.

Hebreu 5:11

Ha kutwala kuli iye yikuma yinji tuli nayo ya kwamba, yikalu kuyilumbununa, se hinwapwa tujika matwi.

1 Petulu 4:4

Chinaashimi ngwe kunushi kuzomboka hamwe no mu muhwiji umuwika wa kuhungumuka ni yipi, kashika anahanjika yipi hali yenu.