Yilinga 17:2 - MUKANDA USANDU WA ZAMBI 1975

² Paulu nikulita ni ndako yenyi, wanjilile mukachi ko, ni ha masambata atatu wahanjikile kuli ayo ku yisoneko.

Mukanda Wa Zambi 1970

² Paulu, nikulita ni ndako yenyi, yanjila mo, yalongesa Mukanda wa Zambi matangwa atatu a kuhwima,

Yilinga 17:2 Iomraidhean Croise

Izaya 1:18

Yehova kanambe ngwenyi, Tweyenu tulishimwinye hamuwika. Chipwe milonga yenu yachila nge, kumuyipwa yitoma ngwe neve. Chipwe yahiana kuchila, muyalumuka ngwe wanda utoma.

Mateu 26:24

Mwe Mwana Mutu maya chamwenemwene, nikulita ngwe chinasonewa hali iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Luka 4:16

Iye wejile ku Nazare, kuze amulelele, wanjilile nikulita ni ndako yenyi, mu sunangonga ha tangwa lia sambata, wakatukile mukutanga.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.

Yilinga 13:14

Alioze o, nikupalika ndusu mu Pereje, ahetele ku Andiakia, limbo lia mu Piseteya; o anjilile mu sunangonga ha tangwa lia Sambata, yatwama.

Yilinga 13:5

Ni muze apwile ku Salamina, ambujolele liji lia Zambi mu masunangonga ja A-Yunda; o apwile ni Yoano nawa ngwe kambaji ko.

Yilinga 14:1

Chapwile mu Ikoniu, anjilile hamuwika mu sunangonga ya A-Yunda, chocho ahanjikile mba chizavu chinene cha A-Yunda ni A-Ngresia afulielele.

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 17:17

Kashika wahanjikile mu sunangonga kuli A-Yunda ni akwa kuwayila, ni mu yitanda tangwa ha tangwa kuli waze apwileko.

Yilinga 18:4

Iye wahanjikile kuli atu mu sunangonga ha masambata eswe, wakunwine A-Yunda ni A-Ngresia.

Yilinga 19:8

Iye wanjilile mu sunangonga, wahanjikile ni hamu ha shimbu lia tukweji atatu, nikuhanjika kuli ayo, nikwakununa ha kutwala ku wanangana wa Zambi.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Yilinga 8:35

Fwilipe Wapakwile kanwa lienyi, iye, nikuputuka ku chisoneko chino, wamwambulwilile sango lipema lia Yesu.

Yilinga 9:20

Haze hene mu masunangonga wambujolele Yesu, ngwenyi, Iye mwe Mwana Zambi.

1 Korintu 15:3

Mumu nanukunjikile hatangu chize nawa yami natambwile, ngwe Kristu wafwilile milonga yetu nikulita ni yisoneko;

1 Samuel 12:7

Kashika manenu haliapwila nguhanjike ni yenu kumeso ja Yehova ha kutwala ku yitanga yeswe ya ululi ya Yehova, yize anulingilile, ni yenu ni tulamba twenu.