Yilinga 17:18 - MUKANDA USANDU WA ZAMBI 1975

¹⁸ Alioze amwe a kuli akwa mana jo, A-Epikuria ni A-Stoiku atakanyine nenyi, ambile ngwo, Yono mukwa kumbambula kuchi mamba? Akwo ambile ngwo, Kanasoloka ngwe mukwa kwambujola mazambi ja yilambala; mumu wapwile nikwambujola sango lipema lia Yesu ni Uhindukilo.

Mukanda Wa Zambi 1970

¹⁸ Mba amwe a kuli akwa mana jo, Apikuria ni Astoika yaahamika nenyi. Amwe yaahula ngwo: “Mutu yono sakulimbambwila, yika anazange kwamba?” Akwo ngwo: “Kanasoloka ngwe yoze unambujola mazambi ja yilambala.” Yaamba chino, mumu Paulu walongesele yikuma ya Yesu ni uhindukilo ku kufwa.

Yilinga 17:18 Iomraidhean Croise

Yishima 23:9

Kanda uhanjika mu matwi ja chihepuke, mumu malelesa mana a maliji je.

Yishima 26:12

Unamono umwe kanalimono ngwenyi, Nguli mukwa mana, nyi? Chihepuke muhasa kumutala tala chimwe chuma, hi iye ko.

Marku 9:14

Muze ahetele kuli tumbaji, amwene mbunga yinene ha kwajingilika, ni akwa kusonyeka analihangujola no.

Luka 11:53

Muze te hatuhukamo, akwa kusonyeka ni A-Fwariseu aputukile kumushinjila chikolo nikumusungasunga ahanjike yuma yinji;

Yilinga 26:23

ngwe chize chatamba Kristu kumona lamba, ngwe chize iye hatangu ku Uhindukilo hakachi ka afu, mambujola pangu kuli atu ni mavungu.

Yilinga 4:2

nikupihilila chikolo mumu te alongesele atu, ambujolele muli Yesu Uhindukilo hakachi ka afu.

Yilinga 5:42

Mba tangwa ha tangwa, mu tembele ni ku zuwo ni zuwo, kalitwaminyineko kulongesa, nikwambujola sango lipema ngwo, Yesu iye mwe Kristu.

Yilinga 6:9

Alioze kwakatukile amwe akwa sunangonga yize ya Libertino, ni amwe a kuli A-Serene, ni a kuli A-Alezandre, ni a kuli akwa Selishia, ni a ku Eshia, mukuhangulula ni Eshetevau.

A-ROMA 1:22

Shimbu malivulwoka akwa mana, alumukine yihepuke.

1 Korintu 3:18

Niumwe kanda ahonga nichimwe. Kachi umwe malishinginyeka kupwa mukwa mana hakachi kenu ha mwakono, apwe chihepuke, hanga akapwe mukwa mana.

1 Korintu 4:10

Yetu tuli yihepuke mumu hali Kristu, alioze yenu kunwakanyama muli Kristu; yetu tuli alelu, alioze yenu kunwatakama; yenu nuli ni ulemu, alioze yetu tunasauka.

Kolosu 2:8

Kanyamenu kuchina umwe manuhupa ni mana jenyi a kwonga nikulembejeka chamokomoko, nikulita ni ndongo ja atu, nikulita ni manyonga a hano hashi, hi a Kristu ko.