Yilinga 17:17 - MUKANDA USANDU WA ZAMBI 1975

¹⁷ Kashika wahanjikile mu sunangonga kuli A-Yunda ni akwa kuwayila, ni mu yitanda tangwa ha tangwa kuli waze apwileko.

Mukanda Wa Zambi 1970

¹⁷ Kashika yaahanjeka mu zuwo lia kuwayila kuli Ayuda ni kuli akwa kuwayila Zambi a ku mavungu akwo. Yalongesa nawa mu yitanda tangwa ha tangwa atu waze te akwiza ko.

Yilinga 17:17 Iomraidhean Croise

Yishima 8:34

Kawaha yoze mangwivwa, nikulayila tangwa ha tangwa ku yikolo yami, nikutwaminyina ku yikuli ya mapito jami.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Luka 12:3

Kashika cheswacho nwambile mu milima kumakachivwa mu mwalwa; ni chize nwahanjikile mu matwi mu yipatulo ya muchima kumakachiambujola ha mafulumba ja mazuwo.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 13:16

Mba Paulu wakatukile, iye nikulahula ni kwoko lienyi, wambile ngwenyi, A-Izalele, ni yenu nwakwivwa woma wa Zambi, ivwenu:

Yilinga 13:43

Muze te akwa sunangonga halimwanga, A-Yunda anji ni akwa kutayiza akuwayila akawile Paulu ni Mbarnavwe, o nikuhanjika kuli ayo, aakunwine kunyongonona mu vumbi lia Zambi.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 8:2

Akwa kuwayila afunjile Eshetevau, alilile mbimbi chikolo hali iye.

Yilinga 9:20

Haze hene mu masunangonga wambujolele Yesu, ngwenyi, Iye mwe Mwana Zambi.

2 Timoteu 3:2

Mumu atu kumakapwa akwa kulifwila ene, akwa kufwila mbongo, akwa kulizata, akwa kulizelula, akwa kushililika, keshi kwononoka kuli yisemi jo, akwa kaleleso, akwa luchisa,

2 Timoteu 3:5

Kusoloka cha uwayilo kali nacho, alioze kakulikata tachi jawo: kuli wano nawa kondoloka.