Yilinga 17:14 - MUKANDA USANDU WA ZAMBI 1975

¹⁴ Hohene mandumbu atumine Paulu mu jila ya kuya ku kalunga-lwiji: ni Saila ni Timoteu asalileko.

Mukanda Wa Zambi 1970

¹⁴ Hohene akwa Kristu yaatwala Paulu ndoo ku kalunga lwiji, alioze Sila ni Timoteu yaasala ko.

Yilinga 17:14 Iomraidhean Croise

Mateu 10:23

Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 16:1

Iye wahetele ku Ndervwe nawa ni Lisetra: umwe kambaji wapwileko, jina lienyi, Timoteu, mwana wa umwe pwo Ka-Yunda, mukwa kufuliela, alioze tato Ka-Ngresia.

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 17:15

Alioze waze atwalile Paulu, amuhetesele ndo ku Atene, o se hatambula shimbi hali Saila ni Timoteu eze kuli iye nikawashi, akatukile.

Yilinga 17:4

Mba amwe akunukine, alifutwile hamuwika ni Paulu ni Saila, a kuli A-Ngresia akwa kuwayila chizavu chinene, ni anji a kuli mapwo akwa lutwe.

Yilinga 17:6

muze kaawanyineko, ambulumwine Yasone ni amwe mandumbu kumeso ja akwa kuyula limbo, nikukololoka ngwo, Wano hanalumuna yifuchi yeswe ya hashi, haneza kuno nawa;

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 19:22

Iye se watumine ku Masendoniya, aali a kuli waze apwile nikumuvumbika, Timoteu ni Erasetu; iye mwene wasalile shimbu mu Eshia.

Yilinga 20:3

Muze te hahwisako tukweji atatu, ni A-Yunda afupile kumutwaha shimbu ambile kwenda mu ulungu ku Seria, wapwile ni mbunge ya kuhilukila ndusu mu Masendoniya.

Yilinga 9:25

Alioze tumbaji amutwalile ha ufuku, amusunwishine ku chipanga, nikumuhulumuna hashi mu chiseke.

Yilinga 9:30

Muze mandumbu achiselele chinyingi, amutwalile ku Sesarea, amutumine ku Tarsu.

1 Timoteu 1:3

Ngwe nakushinjilile usale mu Efwesu, shimbu munguchiya ku Masendoniya, hanga ukakanjise amwe atu, kanda alongesa longeso lieka.

Titu 1:5

Ha chikuma chino nakuhichikile mu Kreta, hanga ukalulike yize yuma yahonene, hanga Ukasele makulwana mu membo eswe, chizechene ngwe nakwambile;

Yoshua 2:16

Wambile kuli ayo ngwenyi, Yénu ku milundu kuchina akwa kukaula manuwana, nukaswameko matangwa atatu ndo akwa kukaula hanahiluka, mba munuya kwenu.