Yilinga 17:11 - MUKANDA USANDU WA ZAMBI 1975

¹¹ Wano apemene kuhiana hi waze ko a mu Tesalonika, se atambwile liji ni mbunge yeswe, nikuhengula mu yisoneko tangwa ha tangwa akamone kachi yino yuma yapwile chocho.

Mukanda Wa Zambi 1970

¹¹ Atu wano abemene kuhiana waze a ku Tesalonika, mumu atambwile maliji a Mwene Yesu ni mbunge yimuwika. Tangwa ha tangwa te kaakuhengula mu Mukanda wa Zambi, hanga amone nyi yuma yize analongesa Paulu yinalite,

Yilinga 17:11 Iomraidhean Croise

Jobe 23:12

Chahichikile shimbi ja mu kanwa lienyi; hinasweka mu mbunge yami maliji jenyi ngwe upite ulemu.

Miaso (Masamu) 119:100

Ngunanyingika yuma kuhiana makulwana, mumu hingunafungu ndongo je.

Miaso (Masamu) 119:148

Meso jami ahangile ha tulayi twa ufuku, hanga ngukapukune mu liji lie.

Miaso (Masamu) 119:97

Shimbi ye kunayizanga chimwe! Yapwa kupukuna chami tangwa lieswe nganganga.

Yishima 1:5

Mukwa mana nawa kumevwa mba maweza ku yinyingi yenyi ni mukwa malinjekela maliwezela ulangaji,

Yishima 8:10

Tambula kufumba chami, chahiana prata. Tambula chinyingi chami, chahiana oru yipema.

Yishima 9:9

Fumba mukwa mana mba maliwezela mana. Longesa mukwa ululi mba maliwezela yinyingi.

Izaya 34:16

Fupenu nukatange mu mukanda wa Yehova; niumwe hakachi ka wano mahona, niumwe chihwo mahona kuji yenyi. Mumu kanwa lia Yehova hiliachituma ni Spiritu yenyi hanaakongo.

Izaya 8:20

Tuyenu ku lie longeso ni ye Shindakenyo! Nyi kahanjikile nikulita ni liji lino mba kuvumbuka cha tangwa kuchishiko kuli ayo.

Jeremia 2:21

Hindu nakutumbile mutondo wa uva ulemu, wa mbuto yipema pundu. Kuchi hiwalumuka wamokomoko, mutondo wa uva wa mu yambu?

Mateu 13:23

Yize mayikuwa ha mavu apema, iye yoze mevwa liji, malinyingika, mema mbuto, umwe kulakaji, ni mukwo makumi asambano, ni mukwo makumi atatu.

Luka 1:2

chizechene ngwe atukunjikileyo, waze apwile yela ni tulala twa lie liji, chize ku uputukilo,

Luka 11:3

Twehe kama tangwa ha tangwa mbolo yetu yize twakufupa.

Luka 16:29

Alioze Apalahama yamba kuli iye ngwenyi, Mikanda ya Mose ni ya aprofeta kali nayo, akayivwe.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 3:21

Alioze yoze wakulinga umwenemwene kakwizaza ku pangu, hanga akasolole yitanga yenyi, hanayilingi muli Zambi.

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Yilinga 10:33

Haze hene kashika ngunakatuma kuli yena; ni wakalakala hiweza. Haliapwila kashika, yetu eswe kuno kutuli kumeso ja Zambi, mukwivwa yuma yize yeswe hanakwambe kuli Mwene.

Yilinga 11:1

Achi, apostolo ni mandumbu waze apwile mu Yundeya evwile ngwo, Akwa mavungu nawa hatambula Liji lia Zambi.

Yilinga 17:1

Achi, muze te hapalika ndusu mu Amafwipoli ni Apoloneya, ahetele ku Tesalonika, kuze kwapwile sunangonga ya A-Yunda:

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Shimbi 29:29

Yuma yinahengama kuyapwa ya mbala ya Yehova Zambi yetu; alioze yuma yinasoloka te ya yetu ni ya ana jetu ku miaka ya mutolo, hanga tulinge maliji eswe a shimbi yino.

1 Tesalonika 1:6

Ni yenu nwalumukine akwa kutwimbulula, ni akwa kwimbulula Mwene, se nwatambwile liji lia Mwene mu luyinda munji hamwe ni uwahililo wa Spiritu Musandu.

1 Tesalonika 2:13

Ha chikuma chino twakusakwila kuli Zambi, nikulitwamina nichimwe, ngwe muze nwatambwile liji lia sango lia Zambi kuli yetu, nwalitambwile hi ngwe liji lia atu ko, alioze chizechene ngwe liapwa chamwenemwene, liji lia Zambi, lienalio nawa kuliakulinga kanawa muli yenu akwa kufuliela.

2 A-TESALONIKA 2:10

ni milali yeswe ya kwonga cha mumu katambwile zango lia umwenemwene, hanga akaalamwine.

Tiangu (Jake) 1:21

Kashika, mbilenu majilo eswe ni kulumbama cha uhuka, tambulenu ni kushimbika liji lize alitumbile muli yenu, lienalio kuliakuhasa kulamwina mbunge jenu.

1 Petulu 2:2

Chizechene ngwe ana-akemba waze anasemuka haliapwila, ivwenu chikolo usona ha yamwa ya uspiritu yize kuyishi kalimbalimba, hanga nukatatuke nayo ndo ku ulamwino,