Yilinga 17:10 - MUKANDA USANDU WA ZAMBI 1975

¹⁰ Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Mukanda Wa Zambi 1970

¹⁰ Hazehene ha ufuku, akwa Kristu yaatwala Paulu ni Sila ku limbo lia Berea. Muze haaheta ko, yaanjila mu zuwo lia kuwayila lia Ayuda.

Yilinga 17:10 Iomraidhean Croise

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 17:1

Achi, muze te hapalika ndusu mu Amafwipoli ni Apoloneya, ahetele ku Tesalonika, kuze kwapwile sunangonga ya A-Yunda:

Yilinga 17:2

Paulu nikulita ni ndako yenyi, wanjilile mukachi ko, ni ha masambata atatu wahanjikile kuli ayo ku yisoneko.

Yilinga 17:4

Mba amwe akunukine, alifutwile hamuwika ni Paulu ni Saila, a kuli A-Ngresia akwa kuwayila chizavu chinene, ni anji a kuli mapwo akwa lutwe.

Yilinga 17:6

muze kaawanyineko, ambulumwine Yasone ni amwe mandumbu kumeso ja akwa kuyula limbo, nikukololoka ngwo, Wano hanalumuna yifuchi yeswe ya hashi, haneza kuno nawa;

Yilinga 20:4

Wano ayile hamwe nenyi ndo ku Eshia ngwo, Sopatere wa ku Mberea, mwana Pairu; ni a kuli A-Tesalonika ngwo, Aristako, ni Sengundu; ni Ngayu wa ku Ndervwe, ni Timoteu; ni akwa Eshia ngwo, Techiku ni Trofwimu.

Yilinga 9:20

Haze hene mu masunangonga wambujolele Yesu, ngwenyi, Iye mwe Mwana Zambi.

Yilinga 9:25

Alioze tumbaji amutwalile ha ufuku, amusunwishine ku chipanga, nikumuhulumuna hashi mu chiseke.

1 Tesalonika 2:2

alioze se twevwile lamba kunyima, kuze atulingile chipi, chizechene ngwe nunanyingika, mu Fwilipu, twahamukine muli Zambi yetu kuhanjika kuli yenu sango lipema lia Zambi, hamwe ni kulitachika chinji.

1 Samuel 20:42

Jonatas yamba kuli David ngwenyi, Uye kanawa, se etu eswe ni aali hitwalishinga ni jina lia Yehova ngwetu, Yehova mapwa hakachi ka yami ni yena ni hakachi ka chisemuko cha yami ni chisemuko cha yena ndo ku miaka ya mutolo. David yakatuka yaya. Jonatas wayile mu limbo.