Yilinga 16:9 - MUKANDA USANDU WA ZAMBI 1975

⁹ Usolwelo wasolokele kuli Paulu ha ufuku: kwapwile lunga wa ku Masendoniya, kanamana, nikuliumba kuli iye ngwenyi, Zauka, wize muno mu Masendoniya, ukatukwase.

Mukanda Wa Zambi 1970

⁹ Ha ufuku uzewene Paulu yamona mu Usolwelo umwe lunga wa ku chifuchi cha Masedonia, te kanamana nikumulembela ngwenyi: “Zauka, Wize kama kuno ku Masedonia utukwase.”

Yilinga 16:9 Iomraidhean Croise

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 10:30

Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.

Yilinga 16:10

Muze te hamona usolwelo, haze hene twafupile kukatuka mukuya ku Masendoniya, nikunyonga ngwetu, Zambi hatutambika kwambujola sango lipema kuli ayo.

Yilinga 16:12

katu ku kuze twayile ku Fwilipu, lienalio lie limbo linene lia chihanda chize cha chifuchi cha Masendoniya, ni njize A-Roma atungileko nawa: twanyongonwene mu limbo lize matangwa amwe.

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 19:21

Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 19:22

Iye se watumine ku Masendoniya, aali a kuli waze apwile nikumuvumbika, Timoteu ni Erasetu; iye mwene wasalile shimbu mu Eshia.

Yilinga 19:29

Limbo liazalile tò ni Chizungozungo: o alundumukine ni mbunge yimuwika ku lwaza, nikukoka hamwe no, Ngayu ni Aristako, akwa Masendoniya, ngeji-ni-akwo a Paulu.

Yilinga 20:1

Muze te zungo hiliahola, Paulu watambikile tumbaji kuli iye, waashinjilile maliji, washikile no, wakatukile mukuya ku Masendoniya.

Yilinga 20:3

Muze te hahwisako tukweji atatu, ni A-Yunda afupile kumutwaha shimbu ambile kwenda mu ulungu ku Seria, wapwile ni mbunge ya kuhilukila ndusu mu Masendoniya.

Yilinga 27:2

Mba nikunjila mu ulungu wa ku Andramitenu, uze te himuwenda ku membo a ku mbaka ya Eshia, twakatukile, Aristako Ka-Masendoniya wa ku Tesalonika wayile hamwe ni yetu.

Yilinga 9:38

Se Lita chili hakamwihi ni Yopa, tumbaji se evwile ngwo, Petulu ko kwali, atumine malunga aali kuli iye nikumulemba ngwo, Kanda ulaluka kwiza kuli yetu.

A-ROMA 15:26

Mumu hichinawahila akwa Masendoniya ni akwa Akeya kuhana jimwe mbongo hali yiswale a kuli asandu, waze ali mu Yerusaleme.

2 Korintu 11:9

muze napwile hamwe ni yenu, nahonene, chalemenene niumwe; mumu mandumbu, muze ejilile ku Masendoniya, anguhele chize nahonene; ni yuma yeswe nalifungile hanga chishi kunulemena, chocho mungukalifunga.

2 Korintu 12:7

Ni ha mukunda wa unene wahiana wa usolwelo, kuchina mungulinangamisa kuhiana naye, anguhele mutuwi mu mujimba, kanganda ka Satana, hanga akangumbufule, kuchina mungulinangamisa kuhiana naye.

2 Korintu 7:5

Mumu chipwe muze twahetele ku Masendoniya, musunya wetu kuwahwimine, alioze twayindamine ku sali ni sali; haze kulitachika, muchima woma.

2 Korintu 8:1

Chikwo nawa, mandumbu, tunanunyingikisa vumbi lia Zambi lize ahanyine ku yikungulwila ya mu Masendoniya;

2 Korintu 9:2

mumu ngunanyingika kulipupwisa chenu, chize nakulisamba nacho hali yenu kuli A-Masendoniya, ngwe akwa Akeya hanalulika chize ku mwaka waali; nikulinga chenu cha mbunge yeswe hichinakasumuna anji a kuli ayo.

Shimbi 30:13

Chipwe kuliapwile mu sali lia kalunga-lwiji, nwambe ngwenu, Iya matuzaukila kalunga-lwiji, atunehenelio? Iya matuvwisalio, hanga tulilinge?

1 Tesalonika 4:10

mumu chamwenemwene nwakuzanga mandumbu waze eswe ali mu Masendoniya mweswe. Alioze tunaliumbu, mandumbu, nukalumbamemo nawa ni nawa;