Yilinga 16:34 - MUKANDA USANDU WA ZAMBI 1975

³⁴ Iye waakandwishile ku zuwo lienyi, waahele kulia, walikwijile hamwe ni akwa zuwo lienyi eswe, se hafuliela Zambi.

Mukanda Wa Zambi 1970

³⁴ Neye yaakandwisa ku zuwo lienyi, yaaha yakulia, yawahilila kuhiana hamwe ni akwa zuwo lienyi eswe, mumu haafuliela Zambi.

Yilinga 16:34 Iomraidhean Croise

Izaya 55:12

Mumu munukatuhuka ni uwahililo, manutetekelamo ni sambukila. Chipwe mulundu ni mindundena kumeso jenu muyikaputuka mwaso, ni mitondo yeswe ya mu yambu muyikasakwila koshi.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Luka 19:6

Iye walipupwishile, wasunukine, wamutambwile ni kuwaha.

Luka 5:29

Mba Levi wamulingilile chiteleka chinene mu zuwo lienyi; kwapwile mbunga yinene ya akwa kufwetesa lijimu ni akwo waze atwamine ku mesa hamwe no.

Yilinga 11:14

iye kumakakwaha maliji akulilamwina no, yena ni akwa zuwo lie eswe.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

Yilinga 16:35

Muze hikwacha, tupitau atumine sarjentu, ngwo, Tusula wano atu.

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Yilinga 8:39

Muze atutukile mu meya, Spiritu ya Mwene wapindumwine Fwilipe; unuku kamumwene nawa, mumu wayile kwenyi nikuwahilila.

A-ROMA 15:13

Zambi ya kutalatala akanuzalise ni uwahililo weswe ni sambukila yeswe ha kufuliela, hanga nukalumbame mu kutalatala ku tachi ja Spiritu Musandu.

A-ROMA 5:11

hi chize wika ko, alioze twakulisamba muli Zambi kuli Mwene wetu Yesu Kristu, kuli iye haliapwila hitunatambula uwanyino.

A-ROMA 5:2

kuli iye nawa unjililo tuli nawo ku vumbi lino muze twakumana mumu ha Ufulielo; twakulisamba ha kutalatala uhenya wa Zambi.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Filipu 4:17

Kuchapwile ngwe ngunafupu chawana, alioze ngunafupu chikolo mihuko yize yakulumbama kuli yenu.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.

Filemu 1:7

Mumu uwahililo wunji ni kulembejeka nguli nacho mumu ha zango lie ndumbwami, mumu wakuhuzulula mbunge ja asandu.

1 Yoano 3:18

Anami akepe, kanda tuzanga ni liji, chipwe ni limi; aiioze ni yitanga ni umwenemwene.