Yilinga 16:33 - MUKANDA USANDU WA ZAMBI 1975

³³ Iye waatwalile ola yize yene ya ufuku, wasanyishine mijiji yo; mba amupapachishile, iye ni akwa jiko lienyi eswe haze hene.

Mukanda Wa Zambi 1970

³³ Shimbu lizeliene lia ufuku, yaatambula, yaasanyisa yilonda. Mba hazehene tunganda yaamupapachisa hamwe ni akwa zuwo lienyi eswe.

Yilinga 16:33 Iomraidhean Croise

Yishima 16:7

Muze ndako ja mutu jakuwahila Yehova, kakupwisa ni sambukila chipwe akwa kole jenyi.

Mateu 3:6

waapapachishile mu lwiji Yordau, o nikushikisa milonga yo.

Luka 19:9

Yesu wambile kuli iye ngwenyi, Musono ulamwino hiweza ku zuwo lino, mumu iye nawa mwana Apalahama.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

Yilinga 16:23

Muze te haalamba chikolo, aambilile mu zuwo lia ususu, nikuhana shimbi kuli kalayi, akaafunge kanawa.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Yilinga 16:32

O ahanjikile kuli iye liji lia Mwene, ni kuli waze eswe apwile mu zuwo lienyi.

1 Korintu 1:16

Napapachishile akwa zuwo lia Eshetefwana nawa: mba Chanyingikine kachi napapachishile umwe mukwo nawa.

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;