Yilinga 16:31 - MUKANDA USANDU WA ZAMBI 1975

³¹ O ambile ngwo, Fuliela Mwene Yesu Kristu, mba kumakakulamwina, yena ni akwa zuwo lie.

Mukanda Wa Zambi 1970

³¹ No ngwo: “Fuliela Mwene Yesu, mba makulamwina, yena ni akwa zuwo lie eswe.”

Yilinga 16:31 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Jeremia 32:39

Mungukaaha mbunge yimuwika ni jila yimuwika hanga akanguvwile woma ndo ku miaka hanga akawahe ene ni ana jo waze maakaula.

Habakuke 2:4

Mbunge yenyi yinalifuzu; kuyalulamine muli iye. Alioze mukwa ululi kumenda ku Ufulielo wenyi.

Marku 16:16

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yoano 6:47

Pundu, pundu, ngunambe kuli yenu ngwami, Yoze mafuliela, mwono wa mutolo ali nawo.

Yilinga 15:11

Alioze tunafuliela makatulamwina ku vumbi lia Mwene Yesu, chizechene ngwe ayo nawa.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

Yilinga 16:32

O ahanjikile kuli iye liji lia Mwene, ni kuli waze eswe apwile mu zuwo lienyi.

Yilinga 18:8

Alioze Krisepu, mukwa kuyula sunangonga, wafulielele Mwene, ni akwa zuwo lienyi eswe; ni anji a kuli A-Korindu, ha kwivwa, yafuliela, yaapapachisa.

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.

Yilinga 8:36

Shimbu machiya mu jila, ahetele ku amwe meya, unuku yamba ngwenyi, Meya ano; chika chinangukwika kutambula upapachiso?

A-ROMA 11:16

Achi, kachi muhuko utangu usandu, kachi mwaha weswe nawa usandu: kachi muji usandu, kachi mitango nawa yisandu.

Galashia 3:14

Hanga uwape wa Apalahama ukeze hali akwa mavungu muli Kristu Yesu; hanga tukatambule chilakenyo cha Spiritu ku Ufulielo.

Galashia 3:22

Alioze yisoneko hiyayika yuma yeswe kushi lia shili, hanga akahane chilakenyo ku Ufulielo kuli Yesu Kristu kuli waze akufuliela.

Galashia 3:26

Mumu yenu eswe muli Kristu nuli ana a Zambi ku Ufulielo.