Yilinga 16:29 - MUKANDA USANDU WA ZAMBI 1975

²⁹ Iye wechile lutemo, wanjilile fuji, nikuchikima, wafulamanyine kumeso ja Paulu ni Saila,

Mukanda Wa Zambi 1970

²⁹ Kafunga yeta lutemo, yanjila mo fuji, aku machikima nganganga nganganga, yasa makungunwa hashi ku molu ja Paulu ni Sila.

Yilinga 16:29 Iomraidhean Croise

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 99:1

Yehova kanayulu, mavungu ja atu akachikime. Katwama hakachi ka akerupime, hashi heswe hakanyike.

Izaya 60:14

Ana ja waze anupinjishile meza nikuhetamina hashi kuli yenu; waze eswe anulelesele mahetamina ku yiliato yenu. Kumakanutongola ngwo, Limbo lia Yehova, Zaione ya mwe Musandu wa Izalele.

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Yilinga 16:19

Alioze muze miata jenyi amwene kutalatala cha upite wo hichahwa, akwachile Paulu ni Saila, o aambulumwine ku chitanda kumeso ja akwa kuyula.

Yilinga 16:28

Alioze Paulu wakololokele ngwenyi, Kanda ulilinga chipi, mumu yetu eswe muno mutuli.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.