Yilinga 16:25 - MUKANDA USANDU WA ZAMBI 1975

²⁵ Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Mukanda Wa Zambi 1970

²⁵ Alioze, ngwe ha muchima ufuku, Paulu ni Sila te kaanalembe ni kwimba miaso ya kuchichimieka Zambi. Funge akwo yaabanjika.

Yilinga 16:25 Iomraidhean Croise

Jobe 35:10

Alioze niumwe kakwamba ngwenyi, Zambi Tangi yami kulihi ali? Yoze wakutwaha miaso ha ufuku,

Miaso (Masamu) 119:55

Yehova, nakwiwuluka jina lie ha ufuku, nakufunga shimbi je.

Miaso (Masamu) 119:62

Ha muchima ufuku munguhinduka ngukakusakwilile mumu ha upatwilo we wa ululi.

Miaso (Masamu) 22:2

Zambi yami, nakuteta, ha mwalwa, alioze kushi kungukumbulula; nakuteta ha ufuku, chishi kuhola.

Miaso (Masamu) 34:1

Mungufumanyisa Yehova ha miaka yeswe; uhaliso wenyi muutwama mu kanwa liami tangwa ha tangwa.

Miaso (Masamu) 42:8

Hindu Yehova matuma utu wa zango lienyi ha mwalwa; ha ufuku mwaso wenyi mungupwa nawo, ewa, che kulemba kuli Zambi ya mwono wami.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 71:7

Napwa ngwe nguli chikomokeso kuli anji, alioze yena uli uchinyino wami wa tachi.

Miaso (Masamu) 77:2

Ha tangwa lia lamba liami nafupile Mwene. Nazozele kwoko liami ha ufuku nikukokoloka ka. Mbunge yami te kuyisolo kuhwima.

Miaso (Masamu) 77:6

Nakwiwuluka mwaso wami wa ufuku. Nakulishimwinya ni mbunge yami; spiritu yami kuyakufupafupa kanawa.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Izaya 30:29

Kumunukapwa ni mwaso ngwe wa ha Ufuku muze munupwa ni chiwanyino chisandu. Munukapwa ni chiseke cha mbunge ngwe umwe kanakatuka ni liji lia lundembo akaye ku mulundu wa Yehova, kuli Luliwe lwa Izalele.

Zakaria 3:8

Yena Yoshua sasendote mukwa lutwe, panjika hamwe ni akwenu waze akutwama kumeso je, mumu o kapwa chilayi. Tala, mungukaneha kavumbi kami mwe Mutango.

Luka 22:44

Iye nikupinda, walembele ni mbunge yeswe kuhiana, ni matukuta jenyi apwile ngwe masoto anene a manyinga anasotwoka hashi.

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 16:19

Alioze muze miata jenyi amwene kutalatala cha upite wo hichahwa, akwachile Paulu ni Saila, o aambulumwine ku chitanda kumeso ja akwa kuyula.

Yilinga 16:33

Iye waatwalile ola yize yene ya ufuku, wasanyishine mijiji yo; mba amupapachishile, iye ni akwa jiko lienyi eswe haze hene.

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

A-ROMA 12:12

Ha kutalatala, nukawahilile; ha luyinda, nukanyongonone; ha kulemba, nukalikoleze.

A-ROMA 5:3

Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona;

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

Efesu 5:19

Nukalihanjikile umwe kuli mukwo ni masamu, ni miaso, ni mimbo ya Spiritu, nikwimba nikutangula mu mbunge jenu kuli Mwene;

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.

Tiangu (Jake) 1:2

Mandumbu jami, muze yeseko yeka ni yeka muyinuwana, chinyongenu kupwa uwahililo weswe;

Tiangu (Jake) 5:13

Kachi umwe hakachi kenu mevwa lamba, alembe, kachi umwe mapwa ni chisambu, akembe uhaliso.

1 Petulu 4:14

Kachi manuchoka mumu ha jina lia Kristu, kunwawaha; mumu Spiritu ya uhenya, kanda ya Zambi, kanatwama hali yenu; ha kutwala kuli ayo kanamushililika, aiioze ha kutwala kuli yenu, kanamuchichimieka.