Yilinga 16:23 - MUKANDA USANDU WA ZAMBI 1975

²³ Muze te haalamba chikolo, aambilile mu zuwo lia ususu, nikuhana shimbi kuli kalayi, akaafunge kanawa.

Mukanda Wa Zambi 1970

²³ Muze haalamba chikolo, yaasa mu zuwo lia lamba, yaambila kafunga hanga afunge kanawa.

Yilinga 16:23 Iomraidhean Croise

Mateu 26:48

Achi, yoze wamukunjikile hanahe chilayi, ngwenyi, Mweswawo mungumumbeja, mwe iye: Mukwatenu.

Luka 21:12

Alioze shimbu yino yuma yeswe kanda yipwa, kumakanukwata, kumakanuhungumiona, kumakanukunjika ku masunangonga ni mazuwo ja ususu, nikununeha kumeso ja mianangana ni manguvulu mumu ha jina liami.

Yilinga 12:18

Achi, cheswe kwachile kwapwile choji chinene hakachi ka maswalale, ha kutwala kuli Petulu.

Yilinga 12:4

Ni muze te hamukwata, wamusele mu zuwo lia ususu, wamukunjikile ku mbunga jiwana ja maswalale amufunge; se wahalile kulutwe lia Chizomboka kumuneha haze kuli atu.

Yilinga 16:27

Kalayi, ha kukasumuka mu tulo twenyi, yamona mapito ja zuwo lia ususu a kwazulula, watomwene katana kenyi, wambile kulishiha, se kanashinginyeka ngwenyi, Funge hanomboka.

Yilinga 16:36

Kalayi wambulwile maliji ano kuli Paulu, ngwenyi, Tupitau hatuma hanga tunutusule: kashika haliapwila tuhukenu kama, nukatuke ni sambukila.

Yilinga 5:18

Akwachile apostolo, aasele mu zuwo lia ususu.

Yilinga 5:23

ngwo, Twawananga zuwo lia ususu lia kwajila kanawa, ni tulayi kanamana haze ku mapito: alioze muze twazululanga, kutwawanyinemo niumwe.

Yilinga 8:3

Alioze Saulu Wenyekene chikungulwila, nikunjila mu zuwo ni zuwo, nikumbulumuna malunga ni mapwo, waakunjikile ku zuwo lia ususu.

Yilinga 9:2

wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme.

2 Korintu 11:23

O tuvumbi twa Kristu, nyi? (Ngunahanjika ngwe ngunazaluka) yami nahianaho; nikukilikita kuhiana chikolo, mu mazuwo ja ususu kuhiana chikolo, ni mijiji yahiana naye, ni kufwa kanji.

2 Korintu 6:5

ni mijiji, mu mazuwo ja ususu, mu yizungozungo, ni kukilikita, ni kulawoka kanji, ni zala;

Efesu 3:1

Ha chikuma chino yami Paulu, funge ya Kristu Yesu mumu hali yenu akwa mavungu,

Efesu 4:1

Yami kashika, funge muli Mwene, ngunaliumbu kuli yenu, nukende ngwe chinatela kutambika chize hananutambika nacho,

2 Timoteu 2:9

Mu chuma chino nakwivwa lamba, nguli mu malenge ngwe mukwa kulinga yipi; alioze liji lia Zambi kuliakashiwile.

Filemu 1:9

Hindu mumu ha zango Shinaho ngunaliumbu, se ngunapu Paulu mwe mukulwana, ni haliapwila funge nawa ya Yesu Kristu.

Yoshua 4:17

Kashika Yoshua yatuma asasendote ngwenyi, Tuhukenu mu Yordau.

Usolwelo 1:9

Yami Yoano, ndumbwenu ni mukwa kulianyina-ni-mukwenu ha luyinda ni wanangana ni uhumikizo wa Yesu, napwile mu tungu lize ngwo, Patemu, mumu ha liji lia Zambi ni mumu ha Shindakenyo ya Yesu.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.