Yilinga 16:18 - MUKANDA USANDU WA ZAMBI 1975

¹⁸ Chino wachilingile matangwa anji. Mba Paulu nikwivwa chikulikuli chikolo, yatewulukila, yamba kuli Spiritu ngwenyi, Ngunakwambe mu jina lia Yesu Kristu ngwami, Tuhuka muli iye. Iye watuhukile ola yize yene.

Mukanda Wa Zambi 1970

¹⁸ Chuma chino yachilinga matangwa anji. Mba Paulu yevwa kubihia, yatewuluka, yambila mwiku wa luchisa ngwenyi: “Ngunakwambe mu jina lia Yesu Kristu, ngwami, tuhuka muli mwana pwo yono.” Yiumutuhuka shimbu lizeliene.

Yilinga 16:18 Iomraidhean Croise

Mateu 14:24

Alioze ulungu wapwile kulu mukachi ka Chitende nikupinda ni mikanya; mumu fuji yalimikine no.

Marku 1:34

Iye wawukile anji waze ayijile ni misongo yeka ni yeka, watuhwishile andemoniu anji, katayijile andemoniu kuhanjika, mumu amunyingikine.

Marku 16:17

Yino yilayi kumuyikakaula waze mafuliela: mu jina liami kumakatuhwisa andemoniu; kumakahanjika mu malimi aha.

Luka 9:1

Iye wakungulwile kumi ni aali, waahele tachi ni chiyulo helu lia andemoniu eswe, ni cha kuwuka misongo.

Yilinga 3:6

Petulu wambile ngwenyi, Prata ni oru chishi nayo; alioze chize nguli nacho ngunakwehe: mu jina lia Yesu Kristu Ka-Nazare, katuka, wende.

Yilinga 9:34

Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile.

Kolosu 2:15

Se hanapupu mawanangana ni yiyulo, waahepwishile kumeso ja atu eswe, nikwakumba nayo.