Yilinga 16:14 - MUKANDA USANDU WA ZAMBI 1975

¹⁴ Mba umwe pwo, jina lienyi Lindia, mukwa kutalikila mahina a ufungo, wa ku limbo lia Taiatira, mukwa kuwayila Zambi watuvwile: Mwene wazulwile mbunge yenyi kupanjika ku yuma yize ahanjikile Paulu.

Mukanda Wa Zambi 1970

¹⁴ Umwe pwo hakachi ko, jina lienyi Lidia, wa ku limbo lia Tiatira, te kakulanjisa mahina alemu achila. Mwenawo mukwa kuwayila Zambi. Mwene yamwazulula mbunge yenyi ha kwivwa kanawa yize ahanjekele Paulu.

Yilinga 16:14 Iomraidhean Croise

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Mwaso Ubema Wahiana 5:4

Mukwa zango liami wasele kwoko lienyi ha sapi mba mbunge yami yanyangumukine muchima liami.

Izaya 50:5

Mwene Yehova hanangujikula twitwi liami, chakolemene, chahilukile kunyima.

Luka 24:45

Hohene walawishile kunyonga cho, hanga anyingike ye yisoneko;

Yoano 12:20

Hakachi ka waze akandukile mukuwayila ku chiwanyino kwapwile amwe A-Ngresia.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 11:21

Kwoko lia Mwene liapwile hamwe no: anji afulielele, atewulukilile kuli Mwehe.

Yilinga 13:43

Muze te akwa sunangonga halimwanga, A-Yunda anji ni akwa kutayiza akuwayila akawile Paulu ni Mbarnavwe, o nikuhanjika kuli ayo, aakunwine kunyongonona mu vumbi lia Zambi.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 16:40

O atuhukile mu zuwo lia ususu, anjilile mu zuwo lia Lindia: mba muze te hamona mandumbu, aalembejekele, yakatuka.

Yilinga 18:7

Iye wakatukile kuze, wanjilile mu zuwo lia umwe mutu, jina lienyi Titu Justo, mukwa kuwayila, zuwo lienyi lialihachile ni sunangonga.

Yilinga 8:27

Iye yakatuka, yaya: ni kumanyi, umwe unuku, Ka-Etiopia, wa chiyulo kushi lia Kandese, mwanangana wa A-Etiopia, iye wapwile ni chiyulo helu lia upite wenyi weswe, te heza mukuwayila ku Yerusaleme;

A-ROMA 9:16

Chocho kuchapwile kuli waze mapala; chipwe cha kuli yoze mazomboka, ka; alioze cha kuli Zambi, yoze wakwivwa keke.

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.

Usolwelo 1:11

Unambe ngwo, Chize unamono, chisoneke mu mukanda, ukautume ku yikungulwila shimbiali: ku Efwesu, ni ku Semina, ni ku Perekamu, ni ku Tayatera, ni ku Sarte, ni ku Filadelfia, ni ku Laotisea.

Usolwelo 3:20

Tala, ngunamana ku pito, ngunangongwela: kachi umwe mevwa liji liami, mázulula pito, mungunjila kuli iye, mungulia hamwe nenyi, neye hamwe ni yami.

Usolwelo 3:7

Kuli mungelo wa chikungulwila cha ku Filadelfia Soneka ngwe, Yino yuma kanambe mwe musandu, mukwa umwenemwene, yoze uli ni sapi ya David, yoze wakwazulula mba niumwe kechi kájila, wakwájila mba niumwe kechi kázulula, ngwenyi: