Yilinga 16:13 - MUKANDA USANDU WA ZAMBI 1975

¹³ Ha tangwa lia Sambata, twatuhukile haze lia chajilo cha limbo, nikuya ku sesa lia lwiji, kuze apwile nikuyaya mukulemba, twatwamine, twahanjikile kuli mapwo waze akungamineko.

Mukanda Wa Zambi 1970

¹³ Ha tangwa lia kuhwima yiutuhuka mu limbo, yituya ku mbumbulu ya lwiji, kuze twanyongene ngwetu, kuma kuze akulembela Ayuda. Yitutwama nikuhanjika ni mapwo waze te akukunguluka.

Yilinga 16:13 Iomraidhean Croise

Mateu 13:2

Mbunga jinene akungulukile kuli iye, chocho wanjilile mu ulungu; watwamine, ni mbunga yeswe amanyine ha ngenge.

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Luka 13:10

Iye te hanalongesa mu sunangonga yimwe ha tangwa lia Sambata.

Yoano 8:2

Ha kupatwoka ngwangwangwa wahilukile cheka nawa ku tembele, ni atu eswe ejile kuli iye; iye Watwamine, waalongesele.

Yilinga 13:14

Alioze o, nikupalika ndusu mu Pereje, ahetele ku Andiakia, limbo lia mu Piseteya; o anjilile mu sunangonga ha tangwa lia Sambata, yatwama.

Yilinga 13:42

Shimbu atuhukile mu sunangonga, aliumbile kuli ayo aambulwile maliji ano ha tangwa lia Sambata likwo.

Yilinga 16:16

Shimbu mutuchiya kuma kwa kulembela, umwe mwanapwo ni Spiritu ya munanyi, watakanyine ni yetu, yoze wamwesene miata jenyi upite wunji ha kuhanjika munanyi.

Yilinga 16:6

O apalikile ndusu mu chifuchi cha Fwijia ni Ngalashia, se Spiritu Musandu waakanjishile kanda ambujola lie liji mu Eshia;

Yilinga 17:2

Paulu nikulita ni ndako yenyi, wanjilile mukachi ko, ni ha masambata atatu wahanjikile kuli ayo ku yisoneko.

Yilinga 18:4

Iye wahanjikile kuli atu mu sunangonga ha masambata eswe, wakunwine A-Yunda ni A-Ngresia.

Yilinga 20:7

Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku.

Yilinga 21:5

Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Yilinga 9:20

Haze hene mu masunangonga wambujolele Yesu, ngwenyi, Iye mwe Mwana Zambi.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.