Yilinga 15:9 - MUKANDA USANDU WA ZAMBI 1975

⁹ kapwishile kulipalikila hakachi ketu ni ayo, alioze wapemesene mbunge jo ku Ufulielo.

Mukanda Wa Zambi 1970

⁹ Kulisa chakuhi hakachi ko ni yetu. Zambi hanatomesa mbunge jo mumu haanafuliela.

Yilinga 15:9 Iomraidhean Croise

Miaso (Masamu) 51:10

Zambi, tenga muli yami mbunge yipema. Lulika Spiritu ya kululama muli yami.

Ezekiel 47:22

Munuliselacho chihinga kuli yenwene ni kuli yilambala waze hanatungu ni yenu, hanaseme ana hakachi kenu. O makapwa kuli yenu ngwe A-Izalele a chisemuko. Munukaasela chihinga hamwe ni yenu hakachi ka minyachi ya Izalele.

Yilinga 10:15

Liji liejile kuli iye cheka nawa chisuho chamuchiali ngwo, Chize hanapemesa Zambi, kanda uchivuluka ngwe, Chipi.

Yilinga 10:28

wambile kuli ayo ngwenyi, Yenu nunanyingika ngwe kuchalitele hali Ka-Yunda kulifutula, hanji kuliendela ni umwe wa ku vungu likwo, alioze Zambi hanangulweza ngwenyi, Kanda uvuluka niumwe mupi hanji wa luchisa:

Yilinga 10:34

Mba Petulu Wapakwile kanwa lienyi, wambile ngwenyi, Chamwenemwene ngunamono Zambi keshi katonde:

Yilinga 11:12

Spiritu wangwambile nguye hamwe no, nikuyambashana nichimwe. Wano mandumbu asambano nawa avile hamwe ni yami, twanjilile mu zuwo lia yono lunga.

Yilinga 14:1

Chapwile mu Ikoniu, anjilile hamuwika mu sunangonga ya A-Yunda, chocho ahanjikile mba chizavu chinene cha A-Yunda ni A-Ngresia afulielele.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

A-ROMA 3:22

te ululi wa Zambi ku Ufulielo muli Yesu Kristu, kuli eswe, ni hali waze eswe akufuliela; mumu kulipwila chakuhi nichimwe.

A-ROMA 3:9

Mba kuchi? Tunaahiana, nyi? Ka, pundu; mumu hitunasumu kulu, ni A-Yunda ni A-Ngresia, ngwetu, O eswe kushi lia shili ali:

A-ROMA 9:24

Te yetu nawa, atutambikile, hi kuli A-Yunda wika ko alioze kuli akwa mavungu nawa, mba kuchi?

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

1 Korintu 7:18

Hanatambika umwe mu ungalami, nyi? Kanda amupwisa chilima. Umwe amutambikile mu ulima nyi? Kanda amupwisa ngalami.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Efesu 3:6

Ngwo, Akwa mavungu kanapu maswana-ni-akwo, ni yihanda-ni-yikwo ya mujimba umuwika, ni akwa kuliangana-ni-akwo cha chilakenyo muli Kristu Yesu ku sango lipema.

Kolosu 3:11

muze kumushi Ka-Ngresia ni Ka-Yunda, ngalami ni chilima, kandaka ni Ka-Seteya, ndungo ni mwenya chifuchi; alioze Kristu iye yuma yeswe, muli eswe.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.