Yilinga 15:8 - MUKANDA USANDU WA ZAMBI 1975

⁸ Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa;

Mukanda Wa Zambi 1970

⁸ Ni Zambi, yoze wanyingika mbunge ja atu, hanaahe shindakenyo ha kwaha Mwiku wa Linanga chizechene ngwe yetu.

Yilinga 15:8 Iomraidhean Croise

1 Yitanga Ya Mianangana 8:39

hipanjika yena mwilu watwama ukaakonekene, ukalinge ni kuhana kuli mutu mweswe nikulita ni ndako jenyi jeswe, mbunge yenyi, unanyingika (mumu yena wika ukawe unanyingika mbunge ja ana ja atu eswe)

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

Miaso (Masamu) 44:21

Kachi Zambi kachinyingikishine nyi? Mumu iye kananyingika yuma yeswe ya kuhengama mu mbunge.

Jeremia 11:20

Alioze, Yehova-wa-Tujita yena wakupatula ni ululi, ni kweseka mbunge ni manyonga, ngumone kama chize mwafwetesa mumu hinakunjika chikuma chami kuli vena.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Jeremia 20:12

Yehova-wa-Tujita, yena wakweseka akwa ululi, Wakumona mbunge ni manyonga. Ngumone kama chize mwafwetesa, mumu hanakunjika chikuma chami kuli yena.

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yoano 5:37

Ni mwe Tata yoze wangutumine, iye mwene hanashindakenya hali yami. Chipwe kunwevwile liji lienyi niumwe mwaka, chipwe kunwamwene kusoloka chenyi.

Yilinga 1:24

Mba alembele, ngwo, Mwene, mukwa kunyingika mbunge ja eswe, tulweze kama hakachi ka wano aali yoze hiunamutongola.

Yilinga 10:47

Umwe mahasa kutukanjisa meya ha kupapachisa wano se hatambula Spiritu Musandu chizechene ngwe yetu nawa, nyi?

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 15:28

Mumu hichapemena Spiritu Musandu, ni yetu, ngwetu, Kanda tunutwika chilemu kuhiana yino yuma Chanutamba kulinga:

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

Hebreu 2:4

Zambi nikushindakenya nawa hamwe no, ni yilayi ni yipekesa, ni yipupu yeka ni yeka, ni kwanyina cha Spiritu Musandu, nilulita ni kupala chenyi mwene.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.