Yilinga 15:7 - MUKANDA USANDU WA ZAMBI 1975

⁷ Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele.

Mukanda Wa Zambi 1970

⁷ Muze haalihamika shimbu lisuku, Petulu yakatuka, yaamba ngwenyi: “Akwetu, nunanyingika kanawa ngwenu, hasuku Zambi hanangutongola mukachi kenu, hanga waze hi Ayuda ko akevwe Sango Jibema kuli yami, akajifuliele.

Yilinga 15:7 Iomraidhean Croise

Kutuhuka 4:12

Kashika haliapwila yako; mungukapwa ni kanwa lie; mungukakulongesa chize muhanjika.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 3:27

Yoano wakumbulwile, ngwenyi, Mutu kahashile kutambula nichimwe shina mamwahacho kwilu.

Yilinga 1:16

Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

Yilinga 1:24

Mba alembele, ngwo, Mwene, mukwa kunyingika mbunge ja eswe, tulweze kama hakachi ka wano aali yoze hiunamutongola.

Yilinga 10:19

Shimbu Petulu azewile usolwelo, Spiritu wambile kuli iye ngwenyi, Tala, malunga atatu kanakufupu.

Yilinga 10:20

Alioze katuka, upalumuke, uye hamwe no, kanda uyambashana nichimwe: mumu hingunaatumu.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 15:14

Semone hanambulula ngwe Zambi hatangu watalile hali akwa mavungu mukuchiza mukachi ko munyachi ha jina lienyi.

Yilinga 15:2

Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino.

Yilinga 15:39

Kwakatukile kashika kulihamika chinene, chocho alihandunwine umwe kuli mukwo, ni Mbarnavwe wayile ni Marku, akende mu ulungu ku Saipuru:

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 21:16

Mba amwe a kuli tumbaji a ku Sesarea ayile hamwe ni yetu, nikutwala hamwe no umwe Nasone wa ku Saipuru, kambaji mukulu, yoze matuzeka.

Yilinga 3:18

alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

Yilinga 4:25

yena, ni Spiritu Musandu ku kanwa lia kulwetu David, kavumbi ke, wambile ngwe, Kuchi te akwa mavungu analikungulula ni Chizungozungo, ni atu anapukuna yuma yamokomoko;

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

Filipu 2:14

Lingenu yuma yeswe ni kulinyenyeta nichimwe, ni kuhangulula nichimwe;