Yilinga 15:6 - MUKANDA USANDU WA ZAMBI 1975

⁶ Mba apostolo ni makulwana akungulukile mukusopa chuma chino.

Mukanda Wa Zambi 1970

⁶ Mba tunganda twa Yesu ni makulwana yaakunguluka ni kusopa chikuma chize.

Yilinga 15:6 Iomraidhean Croise

Yishima 15:22

Nyi kukushi chiyulo kuhala kuchichi kulumbunuka, alioze ku wunji wa akwa chiyulo kakuchikolesa.

Mateu 18:20

Mumu kuze aali hanji atatu anakunguluka mu jina liami, kuze kwene yami kunguli mukachi ko.

Yilinga 11:30

chize nawa achilingile, nikuyitumisa kuli makulwana ku moko ja Mbarnavwe ni Saulu.

Yilinga 15:2

Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino.

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 15:25

Hichatupemena, se hitwalitesa ni mbunge yimuwika, kutongola malunga mukwatuma kuli yenu hamwe ni Mbarnavwe ni Paulu waze tunaazange chikolo.

Yilinga 15:4

Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no.

Yilinga 16:4

Shimbu apalikile mu membo, aakunjikile ndongo jize te hapatula apostolo ni makulwana ku Yerusaleme, akajifunge.

Yilinga 21:18

Mba ha tangwa likwo, Paulu wayile hamwe ni yetu kuli Tiangu; ni makulwana eswe apwileko.

Yilinga 6:2

Kashika kumi ni aali atambikile chizavu cha tumbaji kuli ayo, ambile ngwo, Kuchapemenene yetu tuhichike liji lia Zambi, tukavumbike ku mesa.

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.

Hebreu 13:7

Iwulukenu waze apwile tusongo twenu, waze ahanjikile kuli yenu liji lia Zambi; zewulenu songo lia kwenda cho, imbululenu Ufulielo wo.