Yilinga 15:3 - MUKANDA USANDU WA ZAMBI 1975

³ Kashika, se chikungulwila aashinjikilile mu jila yo, apalikile ndusu mu chifuchi cha Fwenishia, ni cha Samaria, nikwambulula kwalumuka cha akwa mavungu; o evwishile mandumbu eswe uwahililo unene.

Mukanda Wa Zambi 1970

³ Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 15:3 Iomraidhean Croise

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

Yilinga 13:48

Shimbu akwa mavungu evwile chino, awahililile, achichimiekene liji lia Mwene: ni waze eswe Zambi waafunjikile ku mwono wa mutolo afulielele.

Yilinga 13:52

Tumbaji azalile tò ni uwahililo ni Spiritu Musandu.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Yilinga 15:1

Mba amwe atu a kukatuka ku Yundeya apalumukine kuze, o alongesele mandumbu ngwo, Kunwahashile kulilamwina shina manupwisa ngalami nikulita ni ndako ya Mose.

Yilinga 15:12

Chizavu cheswe aholele kulungunga; o apanjikile kuli Mbarnavwe ni Paulu shimbu ambulwile ha kutwala ku yilayi ni yipekesa yize alingile Zambi hakachi ka akwa mavungu ku moko jo.

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 15:32

Ni Yunda ni Saila, se o nawa aprofeta, ashinjilile atu ni maliji anji, nikwatakamisa.

Yilinga 15:4

Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no.

Yilinga 17:15

Alioze waze atwalile Paulu, amuhetesele ndo ku Atene, o se hatambula shimbi hali Saila ni Timoteu eze kuli iye nikawashi, akatukile.

Yilinga 20:38

Evwile chinyengo kuhiana chikolo ha maliji aze ambile ngwenyi, Kunuchi kamona meso jami nawa. O amushinjikilile ndo ku ulungu.

Yilinga 21:5

Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Yilinga 28:15

Kuze mandumbu muze atuvwile, ejile nikutupatwiza ndo ku yitanda ya Apiu ni ku mazuwo atatu a kuzeka ngeji; muze Paulu aamwene waze, wasakwilile Zambi, wajikijile.

Yilinga 8:14

Muze apostolo waze apwile mu Yerusaleme evwile ngwo, A-Samaria hatambula liji lia Zambi, atumine kuli ayo Petulu ni Yoano;

A-ROMA 15:24

heswaho munguyila mu wenyi wami ku Hesepanya (mumu ngunatatatata kunumona ha hupalika mu wenyi wami, hanga nukangushinjikile mu jita yami, kachi hatangu nguliwahise hakehe hamwe ni yenu).

1 Korintu 16:11

niumwe kashika kanda akamulelesa. Alioze nukamushinjikile mu jita yenyi ni sambukila, hanga akeze kuli yami: mumu ngunamutalatala hamwe ni mandumbu.

1 Korintu 16:6

alioze hanji mungukatwama hamwe ni yenu, chipwe kutwama mwaka wa chishika, hanga nukangushinjikile ha wenyi wami kweswako munguya.

2 Korintu 1:16

mba kuli yenu ngupalikile ndusu ku Masendoniya, ngukatuke cheka nawa ku Masendoniya nikwiza kuli yenu, hanga nukangushinjikile ha wenyi wami ku Yundeya.

Titu 3:13

Ukashinjikile chikolo Zena mwe ngaji, ni Apolu ha wenyi wo, hanga kechi kahona nichimwe.