Yilinga 15:29 - MUKANDA USANDU WA ZAMBI 1975

²⁹ ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.

Mukanda Wa Zambi 1970

²⁹ Ngwetu, kanda nulia yifwo yize akukombelela ku mahamba, chibwe manyinga, hanji yifwo ya tushitu a kuhonda, ni kanda nulinga utanji. Nyi nwalifunga ku yuma yino, mba munulinga kanawa. Mwoyo wenu.”

Yilinga 15:29 Iomraidhean Croise

Ubutukilo 9:4

Alioze kuchi kulia yifwo yize yikwete manyinga jayo, acho chinalumbunuka we mwono.

Alevi 17:14

Mumu mwono wa mukwa mwono mweswe watwama mu manyinga. Kashika hingunambe kuli A-Izalele ngwami, Kanda nulia manyinga a mukwa mwono niumwe. Mumu mwono wa mukwa mwono mweswe e manyinga jenyi, kashika mweswe maalia akamuteteko.

Luka 9:61

Mukwo nawa wambile ngwenyi, Mungukukaula, Mwene; alioze ngutayize kama nguhange kushika ni waze ali ku zuwo liami.

Yilinga 15:20

alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga.

Yilinga 18:21

alioze washikile no, ngwenyi, Changutamba kuhichika yuma yeswe ngukapwe ku chiwanyino chize muchizaho ku Yerusaleme; alioze kumungukahiluka kuli yenu kachi Zambi mapala, iye wakatukile ku Efwesu nikwenda mu ulungu.

Yilinga 21:25

Alioze ha kutwala kuli akwa mavungu waze hanafuliela, twatumine mukanda, nikupatula ngwetu, Akalifunge ku yuma yize hanayitambula ku mahamba, ni ku manyinga, ni ku tushitu a kuhonda, ni ku utanji.

Yilinga 23:30

Muze hachisolola kuli yami ngwe mukukapwa utwahe wa A-Yunda hali yono lunga, hohene namutumine kuli yena, nikuhana shimbi nawa kuli waze akumusuma, akambe kumeso je yuma yize amuli nayo. Muoyowenu!

2 Korintu 11:9

muze napwile hamwe ni yenu, nahonene, chalemenene niumwe; mumu mandumbu, muze ejilile ku Masendoniya, anguhele chize nahonene; ni yuma yeswe nalifungile hanga chishi kunulemena, chocho mungukalifunga.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

Shimbi 12:16

Chino wika, kanda nulia manyinga, nukaazujile hashi ngwe meya.

1 Timoteu 5:22

Kanda ukasayika moko nikawashi hali mutu niumwe, chipwe kanda ulikunda ni milonga ya mbala: ukalinange.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

1 Yoano 5:21

Ana akepe, lifungenu ku mahamba. Amene.

Yuda 1:24

Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia.

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.

Usolwelo 2:20

Alioze chino ngukuli nacho ngwami, Wakutayiza yoze pwo Jezebele kulongesa, yoze wakulivuluka profeta-wa-pwo; kakulongesa, kakupiangula ndungo jami mukulinga utanji, mukulia yuma yize hanayitambula yitapo ku mahamba.