Yilinga 15:22 - MUKANDA USANDU WA ZAMBI 1975

²² Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Mukanda Wa Zambi 1970

²² Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 15:22 Iomraidhean Croise

2 Samuel 3:36

Atu eswe yachimona; yichiawahila chizechene ngwe yitanga yeswe ya mwanangana yiyiwahila atu eswe.

2 Sango Ja Mianangana 30:12

Ni mu Yunda nawa Zambi yaaha mbunge yimuwika akalinge nikulita ni liji lia mwanangana ni alemu, ku liji lia Yehova.

2 Sango Ja Mianangana 30:4

Chuma chapemene kumeso ja mwanangana ni chikungulwila cheswe.

Yilinga 1:23

O akatwishile aali: José, yoze ngwo, Mbarsavwa, jina lienyi likwo Justo, ni Mataya.

Yilinga 11:19

Achi, waze amwanganyine ha luyinda yoze wapwile mumu hali Eshetevau, apalikile ndusu mu chifuchi ndo ku Fwenishia, ni Saipulu, ni Andiakia, kahanjikile liji kuli hiumwe shina kuli A-Yunda wika.

Yilinga 11:20

Alioze apwile amwe a kuli ayo, malunga a ku Saipuru ni a ku Sairene, muze ahetele ku Andiakia, ahanjikile kuli A-Ngresia nawa, nikwambujola sango lipema lia Mwene Yesu Kristu.

Yilinga 11:22

Ni liji lia kutwala kuli ayo liahetele ku matwi ja chikungulwila chize chapwile ku Yerusaleme; o atumine Mbarnavwe akaye ndo ku Andiakia.

Yilinga 11:27

Achi, ha matangwa ano aprofeta akatukile ku Yerusaleme nikupalumuka ku Andiakia.

Yilinga 15:23

o asonekene mukanda wa kutuma ku moko jo ngwo, Apostolo ni makulwana ni mandumbu, kuli mandumbu waze ali hakachi ka akwa mavungu ku Andiakia, ni Seria, ni Selishia, ngwetu, Muoyowenu.

Yilinga 15:25

Hichatupemena, se hitwalitesa ni mbunge yimuwika, kutongola malunga mukwatuma kuli yenu hamwe ni Mbarnavwe ni Paulu waze tunaazange chikolo.

Yilinga 15:27

Yetu kashika, hitwatuma Yunda ni Saila, waze nawa kumakanwambulwila ni makanwa jo yuma yimuwika.

Yilinga 15:3

Kashika, se chikungulwila aashinjikilile mu jila yo, apalikile ndusu mu chifuchi cha Fwenishia, ni cha Samaria, nikwambulula kwalumuka cha akwa mavungu; o evwishile mandumbu eswe uwahililo unene.

Yilinga 15:30

Kashika, muze aashikile, apalumukine ku Andiakia; ni muze te hakungulula chizavu, aakunjikile mukanda.

Yilinga 15:32

Ni Yunda ni Saila, se o nawa aprofeta, ashinjilile atu ni maliji anji, nikwatakamisa.

Yilinga 15:40

alioze Paulu watongwele Saila, wakatukile, se mandumbu hamukunjika ku vumbi lia Mwene.

Yilinga 16:19

Alioze muze miata jenyi amwene kutalatala cha upite wo hichahwa, akwachile Paulu ni Saila, o aambulumwine ku chitanda kumeso ja akwa kuyula.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Yilinga 16:29

Iye wechile lutemo, wanjilile fuji, nikuchikima, wafulamanyine kumeso ja Paulu ni Saila,

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 17:14

Hohene mandumbu atumine Paulu mu jila ya kuya ku kalunga-lwiji: ni Saila ni Timoteu asalileko.

Yilinga 17:4

Mba amwe akunukine, alifutwile hamuwika ni Paulu ni Saila, a kuli A-Ngresia akwa kuwayila chizavu chinene, ni anji a kuli mapwo akwa lutwe.

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 8:14

Muze apostolo waze apwile mu Yerusaleme evwile ngwo, A-Samaria hatambula liji lia Zambi, atumine kuli ayo Petulu ni Yoano;

2 Korintu 1:19

Mumu mwe Mwana Zambi, Yesu Kristu, yoze twamwambujolele hakachi kenu, (teyami ni Selvwanu, ni Timoteu,) kapwile ewa ni ka, alioze muli iye ewa.

1 Tesalonika 1:1

Yetu, Paulu, ni Selevwanu, ni Timoteu, Ku chikungulwila cha A-Tesalonika muli Zambi Tata ni Mwene Yesu Kristu: Vumbi kuli yenu ni sambukila.

2 A-TESALONIKA 1:1

Yetu, Paulu, ni Selevwanu, ni Timoteu, Ku chikungulwila cha A-Tesalonika muli Zambi Tata yetu ni Mwene Yesu Kristu:

1 Petulu 5:12

Ku kwoko lia Selevwanu, ndumbu wamwenemwene, chocho ngunamumono, hinasoneka kuli yenu ni maliji akehe, nikushinjila nikushindakenya chikolo ngwami, Lino lie vumbi liamwenemwene lia Zambi: manenumo ngú.