Yilinga 15:2 - MUKANDA USANDU WA ZAMBI 1975

² Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino.

Mukanda Wa Zambi 1970

² Paulu ni Barnaba yaalihangulula no chikolo hakutwala ku chikuma chize. Kashika Chikungulwila yaatongola Paulu ni Barnaba ni atu akwo hakachi ko ha kuya ku Yerusaleme kuli tunganda twa Yesu ni makulwana mumu ha chikuma chize.

Yilinga 15:2 Iomraidhean Croise

Kutuhuka 18:23

Kachi yena mulinga chino chuma, nyi Zambi makwambacho, kachi muhasa kujikiza, ni wano atu eswe kumakaya kuma kwo ni kuhwima cha mbunge.

Yilinga 10:23

Kashika waanjishile mu zuwo, waazekele. Mba muze hikwacha Petulu wakatukile akaye hamwe no, ni amwe a kuli mandumbu ku Yopa ayile hamwe nenyi.

Yilinga 11:12

Spiritu wangwambile nguye hamwe no, nikuyambashana nichimwe. Wano mandumbu asambano nawa avile hamwe ni yami, twanjilile mu zuwo lia yono lunga.

Yilinga 11:30

chize nawa achilingile, nikuyitumisa kuli makulwana ku moko ja Mbarnavwe ni Saulu.

Yilinga 15:25

Hichatupemena, se hitwalitesa ni mbunge yimuwika, kutongola malunga mukwatuma kuli yenu hamwe ni Mbarnavwe ni Paulu waze tunaazange chikolo.

Yilinga 15:27

Yetu kashika, hitwatuma Yunda ni Saila, waze nawa kumakanwambulwila ni makanwa jo yuma yimuwika.

Yilinga 15:4

Muze te haheta ku Yerusaleme, akwa chikungulwila aasambililile hamwe ni apostolo ni makulwana, o ambulwile yuma yize yeswe Zambi walingile no.

Yilinga 16:4

Shimbu apalikile mu membo, aakunjikile ndongo jize te hapatula apostolo ni makulwana ku Yerusaleme, akajifunge.

Yilinga 21:18

Mba ha tangwa likwo, Paulu wayile hamwe ni yetu kuli Tiangu; ni makulwana eswe apwileko.

1 Korintu 1:1

Yetu, Paulu amutambikile postolo wa Yesu Kristu ku upale wa Zambi, ni ndumbu Sosetene,

2 Korintu 11:5

Mumu ngunashinginyeka yami mwene chasalile kunyima nichimwe ha kutwala kuli waze apostolo ahiana.

Galashia 2:5

o kutwaatayijile, ngwe kulizeyesa, ka, chipwe ha ola yimuwika; hanga umwenemwene wa sango lipema ukatwame hamwe ni yenu.

Yuda 1:3

Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu.

1 Samuel 8:7

Yehova yamba kuli Samuel ngwenyi, Panjika kuli atu, liji lieswe makwamba, mumu kalitunyine yena, alioze yami analitunu. Kazangile ngupwe mwanangana wo.