Yilinga 15:18 - MUKANDA USANDU WA ZAMBI 1975

¹⁸ Zambi kananyingika yitanga yenyi yeswe chize ku miakulwila.

Mukanda Wa Zambi 1970

¹⁸ Chenacho anambe Mwene, yoze wanyingikishine yuma yino ku shakulu.’ ”

Yilinga 15:18 Iomraidhean Croise

Izaya 44:7

Iya walifwa ni yami? Achambe, achambulule, ni kuchilumbununa kumeso jami. Iya hanambulula kushi yuma yize muyizaho? Atulweze yize muyiza kwiza hindu.

Izaya 45:21

Ambululenu chikuma chenu nukachilumbunune. Atwame punga. Yoze walwezele chuma chino kulu, iya? Yoze wachambulwilile ku miaka ya kushi, iya? Hi yami ko, Yehova? Kukushi nawa zambi mukwo shina yami mwene, Zambi ya ululi, Chilamwina; kukushi mukwo shina yami mwene.

Amose 9:12

hanga akazuke masalila ja Endome, ni mavungu aze eswe hanaaluku jina liami. Chocho kanambe Yehova mukwa kulinga chuma chino.

Zakaria 14:7

Kumukukapwa mwalwa tangwa lieswe nganganga (Yehova kanachinyingika) hi mwalwa ko, hi ufuku ko, mumu ha chingoloshi kumukukapwa pangu.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Mateu 13:35

hanga chikamanunuke chize ahanjikile ku kanwa lia profeta ngwo, Kumungukapakula kanwa liami ni yishima: Mungukanduka yuma ya kuhengama chize ku kusela cha fundamentu ya hashi.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Efesu 1:4

nikulita ngwe atutongwele muli iye, shimbu te kanda asela fundamentu ya hashi, hanga tukapwe asandu, kutushi kapalia kumeso jenyi.

Efesu 3:9

ngukalweze atu eswe uze wapwa uselo wa chijimbikilo, chahengamine chize ku miakulwila muli Zambi, yoze watangile yuma yeswe;

2 A-TESALONIKA 2:13

Alioze chatutamba kusakwila kuli Zambi matangwa eswe hali yenu, mandumbu kananuzange chikolo kuli Mwene, mumu Zambi hananutongola chize ku uputukilo mukuzuka ulamwino, ku kusela ku usandu cha Spiritu ni kufuliela cha umwenemwene.

1 Petulu 1:20

Amunyingikine chamwenemwene shimbu kanda asela fundamentu ya hashi, aiioze hanamusolola ha kusula songo lia miaka mumu hali yenu.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 17:8

Ngongo yoze hiwamona, wapwile, keshiho; himakanduka mu jondo, maya ku kwonwona. Ni akwa hashi, waze majina jo kasonewene chize ku kusela cha fundamentu ya hashi mu mukanda wa mwono, makakomoka muze mamona ngongo yoze wapwile, keshiho, makeza.