Yilinga 14:21 - MUKANDA USANDU WA ZAMBI 1975

²¹ Muze te hambulula sango lipema ku limbo lize, ni muze te hatayisa tumbaji anji, ahilukile ku Lisetra ni Ikoniu ni Andiakia.

Mukanda Wa Zambi 1970

²¹ Kwenako Paulu ni Barnaba yaambujola Sango Jibema. Atu anji yaatayiza kubwa tumbaji. Mba e tunganda yaahiluka ku Listra, ni ku Ikoniu, ni ku Antiokia mu chifuchi cha Pisidia,

Yilinga 14:21 Iomraidhean Croise

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Yilinga 13:14

Alioze o, nikupalika ndusu mu Pereje, ahetele ku Andiakia, limbo lia mu Piseteya; o anjilile mu sunangonga ha tangwa lia Sambata, yatwama.

Yilinga 13:51

Alioze o akukumwine fufuta ku molu jo mukwahisa, ayile ku Ikoniu.

Yilinga 14:1

Chapwile mu Ikoniu, anjilile hamuwika mu sunangonga ya A-Yunda, chocho ahanjikile mba chizavu chinene cha A-Yunda ni A-Ngresia afulielele.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Yilinga 14:19

Alioze kwejile A-Yunda a ku Andiakia ni Ikoniu, o nikukununa mbunga, ashile mawe Paulu, amumbulumwine haze lia limbo, nikushinginyeka ngwo, Hanafu.

Yilinga 14:26

Kuze endele mu ulungu ku Andiakia, kuze aakuajikile kulu ku vumbi lia Zambi ha milimo yize te hayimanununa.

Yilinga 14:6

o ha kuchinyingika achinyinyine ku membo ja Laikoneya, ni Lisetra, ni Ndervwe, ni chifuchi cha kujingilika:

Yilinga 14:7

kuze ambujolele sango lipema.

Yilinga 14:8

Ku Lisetra kwatwamine umwe lunga wakokolokele ku molu jenyi, chilema chize ku jimo lia naye, kendele nilimwe tangwa.

Yilinga 15:36

Kulutwe lia matangwa amwe, Paulu wambile kuli Mbarnavwe ngwenyi, Tuhiluke, tukameneke mandumbu jetu mu membo eswe kuze twambujolele liji lia Mwene, tukatale chize anapu.

Yilinga 16:2

Amushindakenyene kuli mandumbu mu Lisetra ni Ikoniu.

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

2 Timoteu 3:11

ni yihungumiona, ni lamba, lize lianguwanyine mu Andiakia, mu Ikoniu, mu Lesetra; yihungumiona yize nanyongonwene nayo; ni Mwene wangupulwile ku yeswe.